రక్షాబంధన్ పండుగ సందర్భంగా మేలో అక్రమంగా భారత్‌లోకి ప్రవేశించిన పాక్ మహిళ సీమా హైదర్ ప్రధాని నరేంద్ర మోదీకి, హోంమంత్రికి రాఖీలు పంపారు. ఏడేళ్ల లోపు వయసున్న తన నలుగురు పిల్లలతో కలిసి నేపాల్ మీదుగా వీసా లేకుండా అక్రమంగా భారత్‌లోకి ప్రవేశించినందుకు సీమాను జూలై 4న అరెస్టు చేయగా, అక్రమ వలసదారులకు ఆశ్రయం కల్పించినందుకు సచిన్‌ను కటకటాల వెనక్కి నెట్టారు. మరికొన్ని రోజుల్లో రాఖీ పండుగ రానున్న క్రమంలో రక్షణ మంత్రి రాజ్‌నాథ్ సింగ్, ఉత్తరప్రదేశ్ ముఖ్యమంత్రి యోగి ఆదిత్యనాథ్‌లకు కూడా హైదర్ రాఖీలు పంపారు.
పాకిస్తాన్‌లోని సింధ్ ప్రావిన్స్‌కు చెందిన హైదర్, 2019-20లో ఆన్‌లైన్ గేమ్ పబ్ జీ(PUBG) ఆడుతున్నప్పుడు మీనాతో పరిచయం ఏర్పడిందని, అలా వారిద్దరూ వాట్సాప్(Whatsapp), ఇన్ స్టాగ్రామ్(Instagram) ద్వారా మాట్లాడుకున్నారని చెప్పారు. నేపాల్‌లోని ఖాట్మండులోని పశుపతినాథ్ ఆలయంలో హిందూ ఆచారాల ప్రకారం తాను హిందూ మతంలోకి మారానని, మీనాను వివాహం చేసుకున్నానని పాకిస్తాన్ పౌరురాలు తెలిపారు.
హైదర్ తన నలుగురు పిల్లలతో సహా గ్రేటర్ నోయిడాలోని తన మాట్రిమోనియల్ హోమ్ లో ఉండటానికి అనుమతించాలని అభ్యర్థిస్తూ రాష్ట్రపతి ద్రౌపది ముర్ముకి క్షమాభిక్ష పిటిషన్‌ను కూడా దాఖలు చేశారు. హైదర్ తన కేసులో రాష్ట్రపతి నుంచి మౌఖిక విచారణకు కూడా కోరారు.
