కరీంనగర్, వెలుగు: మున్సిపల్ ఎన్నికల ఓట్ల లెక్కింపు సందర్భంగా కరీంనగర్ సిటీలో ట్రాఫిక్ మళ్లించినట్లు కరీంనగర్ టౌన్ ఏసీపీ వెంకటస్వామి తెలిపారు. గురువారం ఆయన మాట్లాడుతూ ఈ దారి మళ్లింపు ఓట్ల లెక్కింపు ముగిసే వరకు అమలులో ఉంటుందన్నారు.
జగిత్యాల నుంచి కరీంనగర్ వైపు వచ్చే వాహనాలను రేకుర్తి చౌరస్తా వద్ద నుంచి శాతవాహన యూనివర్సిటీ, కొత్తపల్లి పోలీస్ స్టేషన్ రోడ్ మీదుగా చింతకుంట ద్వారా సిటీలోకి చేరుకోవాల్సి ఉంటుంది. అలాగే జగిత్యాల వైపు వెళ్లే వాహనాలను తెలంగాణ చౌక్, రాంనగర్, పద్మానగర్, చింతకుంట మీదుగా కొత్తపల్లి పోలీస్ స్టేషన్ రోడ్, అక్కడి నుంచి యూనివర్సిటీ, రేకుర్తి చౌరస్తా మీదుగా వెళ్లాలని సూచించారు.
