హైదరాబాద్, వెలుగు : ఎలక్ట్రానిక్స్ ప్రొడక్టులు అమ్మే రిటైల్ చెయిన్ సెల్బే సంస్థ హైదరాబాద్లోని తమ మాదాపూర్ షో రూమ్ లో ఐరోబోకు చెందిన రూంబా వాక్యూమ్ క్లీనర్ను అందుబాటులోకి తెచ్చింది. అమెరికా కు చెందిన ఐరోబో కంపెనీ గత 30 సంవత్సరాలుగా రోబో వాక్యూమ్ క్లీనర్ రంగంలో సేవలు అందిస్తూ మార్కెట్ లీడర్గా కొనసాగుతోంది. మనదేశంలో ఈ ప్రొడక్టును మొదట ముంబై మార్కెట్ లో లాంచ్ చేశారు.
హైదరాబాద్ మార్కెట్ లో మొదటిసారిగా సెల్బే షో ద్వారా ఇది అందుబాటులోకి వచ్చింది. ఐరోబో యాప్ ఇంటిగ్రేషన్ సాయంతో ఈ మెషీన్ చాలా సమర్థవంతంగా పని చేస్తుంది. ఈ సందర్భంగా సెల్బే ఫౌండర్ సోమా నాగరాజు మాట్లాడుతూ, వాక్యూమ్ క్లీనర్ ప్రతి ఇల్లాలికి పని ఒత్తిడి తగ్గిస్తుందని చెప్పారు. ఈ ప్రొడక్టును మొదటి సారిగా సెల్బే షోరూంల ద్వారా తమ కస్టమర్ లకు అమ్మే అవకాశం రావడం చాలా సంతోషంగా ఉందని తెలిపారు.
ఐరోబో సేల్స్ హెడ్ సంజయ్ మాట్లాడుతూ ఈ ప్రొడక్టు3 వేరియంట్లలో అందుబాటులో ఉంటుందని చెప్పారు. కార్యక్రమం లో సెల్బే డైరెక్టర్లు సుహాస్ నల్లచెరు , సుదీప్ నల్లచెరు, డిస్ట్రిబ్యూటర్ రాక్ ఫిలిప్ పాల్గొన్నారు.
