కోల్బెల్ట్, వెలుగు: జిల్లా క్రీడాకారులు రాష్ట్రస్థాయి పోటీల్లో నైపుణ్యాన్ని చూపించి జిల్లాకు మంచి పేరు తేవాలని జిల్లా అత్యపాత్య సంఘం అధ్యక్ష, ప్రధాన కార్యదర్శులు గాండ్ల సమ్మయ్య,పెద్దపల్లి ఉప్పలయ్య ఆకాంక్షించారు. అత్యపాత్య రాష్ట్రస్థాయి టోర్నమెంట్లో పాల్గొనే జిల్లా క్రీడాకారులను ఎంపిక పోటీలను బుధవారం రామకృష్ణాపూర్ సింగరేణి ఠాగూర్స్టేడియంలో నిర్వహించారు. ఈ సందర్భంగా ప్రభుత్వం క్రీడాకారులను ప్రోత్సాహించేందుకు ఎన్నో కొత్త క్రీడా పాలసీలను ప్రవేశపెడుతోందన్నారు.
ఈనెల10న హైదరాబాద్సరూర్నగర్లో రాష్ట్రస్థాయి అత్యపాత్య పోటీలు జరుగుతాయన్నారు. రాష్ట్రస్థాయి పోటీలకు ఎంపికైన క్రీడాకారులను ప్రకటించారు. బాలికల జట్టులో ఆర్.అక్షిత,టి.వైష్ణవి,కల్పన, గణశ్రీ, లక్ష్మి, బాలుర జట్టుకు బి.సాయి సహజ్, విహాన్రీదిశ్, అంజిత్, రిత్విక్ శ్రీకర్ ఎంపికైనట్లు తెలిపారు. ఉపాధ్యక్షులు కనపర్తి రమేశ్, సంతోష్, దేవేందర్, కోశాధికారి వర్ష, పిడిలు తదితరులు పాల్గొన్నారు.
