న్యూఢిల్లీ: ఎస్బీఐ చైర్మన్ పదవికి ఎస్బీఐ సీనియర్ మోస్ట్ మేనేజింగ్ డైరెక్టర్ చల్లా శ్రీనివాసులు శెట్టి పేరును ఫైనాన్షియల్ సర్వీసెస్ ఇనిస్టిట్యూషన్స్ బ్యూరో (ఎఫ్ఎస్ఐబీ) శనివారం సిఫార్సు చేసింది. శెట్టి ప్రస్తుతం ఎస్బీఐ మేనేజింగ్ డైరెక్టర్‌‌‌‌‌‌‌‌‌‌‌‌‌‌‌‌గా ఉన్నారు. అంతర్జాతీయ బ్యాంకింగ్, గ్లోబల్ మార్కెట్స్, టెక్నాలజీ వర్టికల్స్‌‌‌‌‌‌‌‌‌‌‌‌‌‌‌‌ను చూస్తున్నారు. ఎస్బీఐ చైర్మన్ పదవికి గరిష్ట వయో పరిమితి 63 ఏళ్లు. ప్రస్తుత చైర్మన్ దినేష్ కుమార్ ఖరా ఆగస్టు 28న పదవీ విరమణ చేస్తారు. ఆయన స్థానంలో శెట్టి బాధ్యతలు స్వీకరిస్తారు. ఎఫ్ఎస్ఐబీ, ప్రభుత్వ యాజమాన్యంలోని బ్యాంకులు, ఆర్థిక సంస్థల డైరెక్టర్లను నియమిస్తుంది. ఇది జూన్ 29న చైర్మన్ స్థానం కోసం 3 మంది అభ్యర్థులను ఇంటర్వ్యూ చేసింది.
పనితీరు, మొత్తం అనుభవాన్ని దృష్టిలో ఉంచుకుని చల్లా శ్రీనివాసులు శెట్టిని ఎస్బీఐ చైర్మన్ పదవికి సిఫార్సు చేశామని ఎఫ్ఎస్ఐబీ ఒక ప్రకటనలో తెలిపింది. సంప్రదాయం ప్రకారం, ఎస్బీఐలో పనిచేస్తున్న మేనేజింగ్ డైరెక్టర్ల బృందం నుంచి చైర్మన్ నియమిస్తారు. దీనికి సంబంధించి తుది నిర్ణయం తీసుకునే క్యాబినెట్ నియామకాల కమిటీ (ఏసీసీ)కి ఎఫ్ఎస్ఐబీ పేరును సిఫారసు చేస్తుంది. ఏసీసీకి ప్రధాని నరేంద్ర మోదీ నేతృత్వం వహిస్తున్నారు. ఎఫ్ఎస్ఐబీకి డిపార్ట్‌‌‌‌‌‌‌‌‌‌‌‌‌‌‌‌మెంట్ ఆఫ్ పర్సనల్ అండ్ ట్రైనింగ్ మాజీ సెక్రటరీ భాను ప్రతాప్ శర్మ నాయకత్వం వహిస్తున్నారు.
