బాలీవుడ్ ముద్దుగుమ్మలకు,ఇండియన్ స్టార్ క్రికెటర్లకు మధ్య డేటింగ్ అనేది చాలా కామన్. ఈ వ్యవహారం ఎప్పటి నుంచో జరుగుతూనే ఉంది. వీరిలో కొంతమంది పెళ్లి వరకు వెళ్తే మరి చాలా వరకు డేటింగ్ తో సరిపెట్టేస్తారు. తాజాగా టీమిండియా క్రికెటర్ శ్రేయాస్ అయ్యర్ ఒక బ్యూటీ విషయంలో ఆసక్తి చూపిస్తున్నాడని సోషల్ మీడియాలో వార్తలు తెగ వైరల్ అవుతున్నాయి. అయితే ఆమె బాలీవుడ్ కాదు.. సౌత్ బ్యూటీ మృణాల్ ఠాకూర్. మృణాల్ ఠాకూర్, క్రికెటర్ శ్రేయాస్ అయ్యర్ గత కొన్ని నెలలుగా డేటింగ్ చేస్తున్నారని.. వారి ప్రేమ ఇటీవలే చిగురించిందని కొన్ని జాతీయ మీడియా సంస్థలు వెల్లడించాయి.
శ్రేయాస్, మృణాల్ జంట ఒక యాడ్ షూటింగ్ సమయంలో ప్రేమలో ప్రేమలో పడ్డారని రిపోర్ట్స్ చెబుతున్నాయి. వారి ప్రేమ ప్రారంభ దశలో ఉందని.. ఎలాంటి గందరగోళం లేకుండా సీక్రెట్ గా డేటింగ్ లో ఉన్నట్టు సమాచారం. నటుడు ధనుష్‌తో హీరోయిన్ మృణాల్ ఠాకూర్ ప్రేమలో ఉన్నట్లు ఇటీవలే కొన్ని వార్తలు వచ్చిన సంగతి తెలిసిందే. అయితే వీటిలో ఎలాంటి నిజం లేదని క్లారిటీ వచ్చింది. తాజాగా మరోసారి మృణాల్ శ్రేయాస్ తో డేటింగ్ వార్తలు చర్చనీయాంశమవుతున్నాయి. వారిద్దరూ ఈ పుకార్లపై స్పందించకపోయినప్పటికీ, గత కొన్ని నెలలుగా ఇద్దరూ నిశ్శబ్దంగా ఒకరినొకరు చూసుకుంటున్నారనే టాక్ గట్టిగా వినిపిస్తోంది.
గతంలో శ్రద్ధా కపూర్ తో శ్రేయాస్ అయ్యర్ ప్రేమ వ్యవహారం చక్కర్లు కొట్టింది. ఇద్దరూ సోషల్ మీడియా ప్లాట్‌ఫామ్ ఇన్‌స్టాగ్రామ్‌లో ఒకరినొకరు ఫాలో చేసుకోవడం అప్పట్లో చర్చనీయాంశంగా మారింది. దీంతో నెటిజన్స్ వీరి మధ్య ఏదో ఉందని అప్పుడే అభిమానులు కామెంట్స్ చేశారు. తాజాగా మృణాల్ తో డేటింగ్ వార్తలు ఎంతవరకు నిజమో తెలియాల్సి ఉంది. ప్రస్తుతానికైతే హీరోయిన్ మృణాల్ ఠాకూర్‌తో శ్రేయస్ అయ్యర్ ప్రేమలో ఉన్నట్లు సోషల్ మీడియాలో తెగ వైరల్ అవుతోంది.
టీమిండియా వన్డే వైస్ కెప్టెన్ గా శ్రేయాస్ అయ్యర్ కొనసాగుతున్నాడు. ప్రస్తుతం సౌతాఫ్రికాతో జరుగుతున్న వన్డే సిరీస్ కు అయ్యర్ గాయం కారకంగా దూరమయ్యాడు. గాయంతో ఇబ్బందిపడుతున్న శ్రేయాస్ కు మరో నెల రోజుల పాటు రెస్ట్ కావాలని డాక్టర్లు సూచిస్తున్నాయి. టెస్టులకు కొన్ని నెలల పాటు దూరంగా ఉంటానని చెప్పిన ఈ టీమిండియా వన్డే వైస్ కెప్టెన్.. టీ20 జట్టులో చోటు దక్కించుకోలేకపోతున్నాడు. దీంతో వన్డే క్రికెట్ లో మాత్రమే కనిపిస్తున్నాడు.
ఆస్ట్రేలియాతో మూడో వన్డే ఆడుతూ అయ్యర్ గాయపడ్డాడు. క్యాచ్ ఆదుకునే క్రమంలో అయ్యర్ డైవ్ చేయడంతో అతని పక్కటెముకలకు గాయమైంది. శ్రేయాస్ ప్రస్తుతం బాగానే ఉన్నాడు. అతను తన గాయం నుంచి కోలుకుంటున్నాడు. అయితే అయ్యర్ అంతర్జాతీయ క్రికెట్‌కు ఫిట్‌గా ఉండటానికి ఇంకా సమయం కావాలి. ఈ లోపు అయ్యర్ విషయంలో బీసీసీఐ, సెలక్షన్ కమిటీ తొందరపడకూడదని భావిస్తున్నాయి. జనవరి 2026లో న్యూజిలాండ్ తో జరగబోయే వన్డే సిరీస్ సమయానికి అయ్యర్ జట్టులోకి వచ్చే అవకాశముంది.
