గతేడాది ఫిబ్రవరిలో ‘డీజే టిల్లు’గా ఆడియన్స్ ముందుకొచ్చి సూపర్ సక్సెస్‌‌ను అందుకున్నాడు సిద్ధు జొన్నలగడ్డ (Siddu Jonnalagadda). ‘డీజే టిల్లు’కు సీక్వెల్‍గా ఇప్పుడు ‘టిల్లు స్క్వేర్’(Tillu Square) సినిమా తెరకెక్కుతోంది.
మల్లిక్ రామ్ (MallikRam) దర్శకత్వం వహిస్తున్న ఈ సినిమా నుంచి లేటెస్ట్ గా ఈ సినిమా నుంచి మూడో సాంగ్ ను రిలీజ్ చేశారు. ఓ మై లిల్లీ అంటూ సాగే ఈ సాంగ్ హార్ట్ బ్రేకింగ్ ఉంటూనే..డీజే టిల్లు లో లాగా రొమాంటిక్ సాంగ్ లానే సాగింది.
లిల్లీ వదిలేసి వెళ్ళకు ..మళ్లీ గాయం చేయకు అని టిల్లు పాడుతున్న ఈ పాటకు..రామ్ మిరియాల సంగీతం అందించాడు.శ్రీరామ్ చంద్ర తన హస్కీ వాయిస్ తో ఆకట్టుకున్నాడు. ఈ స్పెషల్ సాంగ్ కు హీరో సిద్దు లిరిక్స్ అందివ్వడం విశేషం. ప్రస్తుతం ఈ సాంగ్ సోషల్ మీడియాలో ట్రెండ్ అవుతుంది.
ఇప్పటికే ఈ సినిమా నుంచి రిలీజైన సాంగ్స్, పోస్టర్స్, టీజర్ ఆడియన్స్ను వీపరీతంగా ఆకట్టుకున్నాయి. రాధికా..రాధికా..ముందుకా..వెనుకాక..'రింగుల జుట్టు చూసి పడిపోయానే..నీ మాటలు విని పడిపోయానే..నీ గాలి సోకితేనే సచ్చిపోయానే' అనే సాంగ్తో యూత్లో మంచి జోష్ తీసుకొచ్చారు మేకర్స్.
ఈ సినిమాకు రామ్ మిర్యాలతో పాటు అచ్చు రాజమణి మ్యూజిక్ అందిస్తున్నారు. సితార ఎంటర్‌టైన్‍మెంట్స్, ఫార్చ్యూన్ ఫోర్ సినిమాస్ బ్యానర్లపై టిల్లు స్క్వేర్ చిత్రాన్ని నిర్మిస్తున్నారు.ఈ మూవీ మార్చి 29 న థియేటర్స్ లోకి రానుంది.
