- డీపీ ఆర్కిటెక్ట్స్కు అప్పగింత.. టెండర్లలో లోయెస్ట్ బిడ్
- 765 చదరపు కిలోమీటర్ల విస్తీర్ణంతో సిటీ మాస్టర్ ప్లాన్
- 30 వేల ఎకరాల్లో అభివృద్ధి..
- 13 వేల ఎకరాల్లో పరిశ్రమలు, రెసిడెన్షియల్ కాంప్లెక్స్లు
- లైఫ్సైన్సెస్, ఎలక్ట్రానిక్స్, ఎలక్ట్రిక్ వెహికల్స్ జోన్స్కు ప్రయారిటీ
హైదరాబాద్, వెలుగు: ఫ్యూచర్ సిటీ మాస్టర్ప్లాన్ బాధ్యతలను సింగపూర్ కంపెనీకి ప్రభుత్వం అప్పగించినట్టు తెలుస్తున్నది. మాస్టర్ప్లాన్కోసం గ్లోబల్ టెండర్లను పిలువగా.. ఆరు సంస్థలు టెండర్లలో పాల్గొన్నాయి. అందులో సింగపూర్కు చెందిన డీపీ ఆర్కిటెక్ట్స్ అనే సంస్థ లోయెస్ట్ బిడ్డర్గా నిలిచింది.
దీంతో ఆ సంస్థకే మాస్టర్ప్లాన్ తయారీ బాధ్యతలను ప్రభుత్వం అప్పగించినట్టు సమాచారం. 765 చదరపు కిలోమీటర్ల మేర ఫ్యూచర్సిటీకి ఆ సంస్థ మాస్టర్ ప్లాన్ తయారు చేయనున్నది. 9 నెలల్లో మాస్టర్ ప్లాన్ను తయారు చేసి ఇచ్చేలా సంస్థకు బాధ్యతలు అప్పగించినట్టు అధికారవర్గాలు చెబుతున్నాయి.
తొలి దశలో భాగంగా 30 వేల ఎకరాలపై మాస్టర్ ప్లాన్ను సిద్ధం చేయనున్నారు. అందులో భాగంగా వేటికి ఎంత ల్యాండ్ వినియోగించాలి.. మౌలికవసతుల అవసరాలు, అభివృద్ధి ప్రాధాన్యాలను మాస్టర్ప్లాన్లో పొందుపరచనున్నారు. మొత్తంగా 30 వేల ఎకరాల్లో 13 వేల ఎకరాలను మౌలికవసతులు, పారిశ్రామిక అవసరాల అభివృద్ధికి వాడుకోబోతున్నారు.
లైఫ్సైన్సెస్, ఎలక్ట్రానిక్స్కు ప్రాధాన్యం..
డెవలప్మెంట్లో భాగంగా లైఫ్సైన్సెస్, ఎలక్ట్రానిక్స్ రంగాలకు అధిక ప్రాధాన్యం ఇస్తున్నట్టు తెలుస్తున్నది. 13 వేల ఎకరాల్లో సింహభాగం లైఫ్సైన్సెస్కు కేటాయించనున్నారు. 4 వేల ఎకరాల్లో లైఫ్సైన్సెస్ హబ్ను ఏర్పాటు చేయనున్నారు. ఆ తర్వాత 2,177 ఎకరాల్లోఎలక్ట్రానిక్స్ అండ్ అడ్వాన్స్డ్ మాన్యుఫ్యాక్చరింగ్ జోన్ను అభివృద్ధి చేస్తారని తెలుస్తున్నది. ప్రస్తుతం ఎలక్ట్రిక్ వెహికల్స్కు ట్రెండ్, డిమాండ్ పెరగడంతో దానికీ ఇంపార్టెన్స్ ఇచ్చారు. ఎలక్ట్రిక్ వెహికల్స్, ఎనర్జీ పార్క్ కోసం దాదాపు 2 వేల ఎకరాలు కేటాయించినట్టు తెలిసింది.
ఏఐ సిటీ కోసం 400 ఎకరాలు, డేటా సెంటర్ హబ్ కోసం 310 ఎకరాలు, హెల్త్ సిటీకి 594 ఎకరాలు, ఎడ్యుకేషన్ అండ్ యూనివర్సిటీ డిస్ట్రిక్ట్ కోసం 255 ఎకరాల కేటాయింపులు చేసినట్టు చెబుతున్నారు. వాటితోపాటు రెసిడెన్షియల్ కాంప్లెక్స్ల అభివృద్ధి కోసం 2,477 ఎకరాలను కేటాయించారు. మిక్స్డ్యూజ్పర్పస్లో ఎంటర్టైన్మెంట్, స్పోర్ట్స్, ఫర్నీచర్ మాన్యుఫ్యాక్చరింగ్కు కూడా భూములు కేటాయించినట్టు చెబుతున్నారు.
ట్రాన్స్పోర్ట్ కారిడార్లు, యుటిలిటీ నెట్వర్క్స్, సోషల్ ఇన్ఫ్రాస్ట్రక్చర్, వాణిజ్య ప్రాంతాలు, పర్యావరణ పరిరక్షణ ప్రాంతాలను మాస్టర్ ప్లాన్లో పొందు పరచనున్నారు. ప్రస్తుతం ఎఫ్సీడీఏ ప్రాంతం వివిధ హద్దుల్లోకి వస్తున్నది. ఉత్తర భాగంలోని కొన్ని ప్రాంతాలు హెచ్ఎండీఏ, మధ్యభాగంలో హైదరాబాద్ ఫార్మా సిటీ ఏరియా ఉంటున్నది. దక్షిణ భాగం గ్రామీణ ప్రాంతాలే ఉన్నాయని చెబుతున్నారు. మాస్టర్ ప్లాన్లో ఫ్యూచర్ సిటీ అభివృద్ధిపై సమగ్ర ప్రణాళికను పొందుపరుస్తారని అధికారులు చెబుతున్నారు.
