- తొలగనున్న సంస్థ రిటైర్డు ఎంప్లాయీస్ కష్టాలు
- సీపీఆర్ఎంఎస్ రెన్యువల్కూ పెన్షనర్ల డిమాండ్
కోల్బెల్ట్, వెలుగు : పెన్షనర్లు ఈజీగా డిజిటల్ లైఫ్ సర్టిఫికెట్లు అందించేందుకు సింగరేణి స్పెషల్ డ్రైవ్ నిర్వహించనుంది. సర్టిఫికెట్ ను ఈజీగా, ఫ్రీగా అందించేందుకు క్యాంపుల ఏర్పాటు చేయాలని సీఎంపీఎఫ్ఆఫీసర్లు నిర్ణయించారు. ఇందుకు డిజిటల్లైఫ్సర్టిఫికెట్(డీఎల్సీ)- 4.0 పేరుతో క్యాంపులను ఏర్పాటు చేస్తున్నారు. మరోవైపు పెన్షనర్లకు డిజిటల్లైఫ్సర్టిఫికెట్పైనా అవగాహన కల్పిస్తారు.
ఇకముందు లైఫ్ సర్టిఫికెట్లకు ఇబ్బందులు పడకుండా, నేరుగా డీఎల్సీ అందించే వెసులుబాటు పెన్షనర్లకు కలగనుంది. నవంబర్ లోపు లైఫ్ సర్టిఫికెట్లు అందించాలని గోదావరిఖని కోల్మైన్స్ప్రావిడెంట్ఫండ్(సీఎంపీఎఫ్) రీజినల్కమిషనర్హరి పచౌరీ సూచించారు. సింగరేణి వ్యాప్తంగా 84,530 మంది పెన్షనర్లు ఉండగా.. సీఎంపీఎఫ్నెలకు సుమారు రూ.80కోట్ల వరకు పెన్షన్ అందిస్తోంది.
నవంబర్ లో అవేర్ నెస్ క్యాంపులు
వచ్చే నవంబర్లో 3,4 తేదీల్లో రామగుండం--–1 ఏరియా, 6,7 తేదీల్లో రామగుండం- –-2 ఏరియా, 10,11 తేదీల్లో రామగుండం–--3 ఏరియా, సీఎంపీఎఫ్ఓ, ఎన్ఈడీపీసీ, హైదరాబాద్లో ప్రత్యేక అవగాహన క్యాంపులను నిర్వహించనున్నారు. అదే నెల12,13 తేదీల్లో శ్రీరాంపూర్ఏరియా, 17,18 తేదీల్లో మందమర్రి ఏరియా, 19,20 తేదీల్లో భూపాలపల్లి ఏరియా, 24,25 తేదీల్లో బెల్లంపల్లి ఏరియా -కమ్-గోలేటీ ఏరియా, 26న రామగుండం–--1 ఏరియా వీర్లపల్లిలోని ఈశ్వరకృప వృద్ధాశ్రమం వద్ద ఏర్పాటు చేయనున్నా రు.
త్వరలోనే క్యాంపుల స్థలాలను సీఎంపీఎఫ్ఆఫీసర్లు వెల్లడించనున్నారు. పెన్షనర్లకు డిజిటల్ లైఫ్ సర్టిఫికెట్ అందించేందుకు పీపీఓ కాపీ, ఆధార్కార్డు, బ్యాంక్ పాస్బుక్, ఆధార్లింక్డ్ మొబైల్నంబర్ను అందించాల ని ఆఫీసర్లు సూచిస్తున్నారు. గోదావరిఖని సీఎంపీఎఫ్ రీజినల్ఆఫీస్పరిధిలో సుమారు70 వేల మంది పెన్షనర్లు ఉండగా..వీరికి ప్రత్యేక డీఎల్ సీ క్యాంపులు ఎంతో ప్రయోజనకరంగా ఉన్నాయి.
పెన్షనర్లకు అవగాహన లేకపోగా..
సింగరేణి పెన్షనర్లు తమ లైఫ్ సర్టిఫికెట్లను ఏటా నవంబర్, డిసెంబర్నెలల్లో సీఎంపీఎఫ్(కోల్మైన్స్ప్రావిడెంట్ఫండ్ఆర్గనైజేషన్)కు అందించాల్సి ఉంటుంది. ఇవ్వకుంటే పెన్షన్నిలిచిపోతుంది. సింగరేణిలో 5,058 మంది పెన్షనర్లు, కుటుంబసభ్యులు ఉన్నట్లు గతేడాది ఆఫీసర్లు గుర్తించారు.
రిటైర్డు ఉద్యోగుల్లో ఎక్కువమంది నిరక్షరాస్యులు కావడంతో మీసేవా, ఇంటర్నెట్ సెంటర్లకు వెళ్లి ఆఫ్లైన్, ఆన్లైన్లో లైఫ్ సర్టిఫికెట్లు అందించడంపై అవగాహన తక్కువే. కొందరు సొంతూళ్లలో ఉంటుండగా.. వీరికి సర్టిఫికెట్ల అందజేతపై సమాచారం ఉండటంలేదు. లైఫ్ సర్టిఫికెట్ ఇస్తున్నా కానీ, కొన్నిసార్లు సంస్థల పేర్లు చెప్పకపోతుండడంతో పెన్షన్ ఆగిపోయిన సందర్భాలు ఉన్నాయి.
మెడికల్ కార్డు రెన్యూవల్కు చాన్స్ ఇవ్వాలి
సింగరేణి జారీ చేసిన కాంట్రిబ్యూటరీ పోస్ట్ రిటైర్ మెడికేర్ స్కీమ్ (సీపీఆర్ఎంఎస్) మెడికల్ కార్డు రెన్యూవల్ కూడా నవంబర్లోనే చేసుకోవాల్సి ఉంటుంది. ఇందుకు రిటైర్డ్ ఉద్యోగి తన జీవిత భాగస్వామితో కలిసి మీసేవా,ఇంటర్నెట్ సెంటర్లలో అప్లై చేసుకోవాలి. కార్డు రెన్యూవల్కు దంపతుల ఆధార్కార్డులు, జాయింట్ బ్యాంక్పాస్బుక్, పీపీఓ కాపీ, మెడికల్ కార్డు అందించాలి. పెన్షన్ కు, మెడికల్కార్డు రెన్యూవల్కు ఒకే విధమైన డాక్యుమెంట్లను ఇవ్వాలి.
నవంబర్లో సీఎంపీఎఫ్ఆధ్వర్యంలో ఏర్పాటయ్యే డీసీఎల్క్యాంపుల వద్ద సిబ్బంది ని ఏర్పాటు చేసి మెడికల్కార్డు రెన్యూవల్కు సర్టిఫికెట్లు తీసుకునే వెసులుబాటు కల్పించాలని రిటైర్డ్ ఉద్యోగులు కోరుతున్నారు. దూర ప్రాంతాల నుంచి క్యాంపునకు వెళ్లే రిటైర్డు ఎంప్లాయీస్ ఒకే రోజు పెన్షన్, మెడికల్కార్డు రెన్యూవల్కు సర్టిఫికెట్లు అందించే వీలుంటే సమయం కలిసివస్తుందని పేర్కొంటున్నారు. ఆ దిశగా సింగరేణి యాజమాన్యం ఏర్పాట్లు చేయాలని కోరుతున్నారు.
మెడికల్కార్డు రెన్యువల్ చేయాలి
సింగరేణి స్పెషల్డ్రైవ్క్యాంపుల ఏర్పాటు రిటైర్డ్ ఉద్యోగులకు ఎంతో ఉపయోగంగా ఉంటుంది. నవంబర్లోనే కాంట్రిబ్యూటరీ పోస్ట్ రిటైర్ మెడికేర్ స్కీమ్ (సీపీఆర్ఎంఎస్) మెడికల్ కార్డ్ రెన్యువల్ కోసం రిటైర్డ్ ఉద్యోగితో పాటు జీవిత భాగస్వామి కూడా లైఫ్ సర్టిఫికెట్ అందించాలి. సీఎంపీఎఫ్ క్యాంపుల్లో సీపీఆర్ఎంఎస్కార్డు రెన్యువల్కు సంబంధించి తగు ఏర్పాట్లు చేస్తే రిటైర్డు ఎంప్లాయీస్ కు వెసులుబాటుగా ఉంటుంది. - ఆళవందార్ వేణు మాధవ్,ఉప ప్రధాన కార్యదర్శి, సింగరేణి రిటైర్డ్ ఎంప్లాయీస్ వెల్ఫేర్ అసోసియేషన్
