- ఒకేసారి 72 కార్లు, బైక్ల పార్కింగ్
- ఆటోమేటెడ్ సెన్సర్లు, లిఫ్టుల సహాయంతో వాహనాల తరలింపు
హైదరాబాద్‌ సిటీ, వెలుగు: కేబీఆర్ పార్క్ వద్ద నేటి నుంచి పార్కింగ్ కష్టాలకు చెక్ పడనుంది. ఇక్కడ ఉదయం, సాయంత్రం పార్క్కు, పార్క్‌‌‌‌‌‌‌‌లో వాకింగ్‌‌‌‌‌‌‌‌కు వచ్చేవారు తీవ్ర పార్కింగ్ సమస్యను ఎదుర్కొంటున్నారు. మరోవైపు రోడ్డుకు ఒకవైపున వరుసగా వాహనాలు పార్క్ చేయడంతో వాహనాల రాకపోకలపై ప్రభావం పడుతున్నది.
ఈ నేపథ్యంలో ఆ కష్టాలను తొలగించడంపై జీహెచ్ఎంసీ ప్రత్యేక దృష్టి పెట్టింది. ఇందులో భాగంగానే మల్టీ లెవల్ స్మార్ట్ కార్ పార్కింగ్కు పచ్చజెండా ఊపింది. ఇక్కడ 405 చదరపు మీటర్ల విస్తీర్ణంలో జీహెచ్ఎంసీ అధ్వర్యంలో నవ నిర్మాణ్‌ అసోసియేట్స్‌ సంస్థ మల్టీలెవెల్‌ పార్కింగ్ వ్యవస్థను నిర్మించింది.
మల్టీ లెవల్ స్మార్ట్ కార్ పార్కింగ్ అందుబాటులోకి వస్తే కేబీఆర్ పార్క్ పరిసరాల్లో పెరుగుతున్న రోడ్ సైడ్ పార్కింగ్ సమస్యకు శాశ్వత పరిష్కారం లభించనుంది. తక్కువ స్థలంలో ఎక్కువ వాహనాలను నిలిపే వీలుండటంతో పాటు ట్రాఫిక్ సజావుగా స్మూత్ గా సాగేందుకు, పాదచారుల భద్రతకు ఇది తోడ్పడనుందని జీహెచ్ఎంసీ అధికారులు చెబుతున్నారు.
రాత్రి 11 గంటల వరకూ పార్కింగ్
ఆటోమెటిక్ స్మార్ కార్ పార్కింగ్ సెంటర్ లో 72 ఈక్వివలెంట్‌ కార్ స్పేసెస్‌ ఉంటుందని నిర్వాహకులు చెబుతున్నారు. మొత్తం పార్కింగ్ విస్తీర్ణంలో 20 శాతాన్ని ద్విచక్రవాహనాల కోసం కేటాంచారు. ఈ ప్రాజెక్ట్ ను నవ నిర్మాణ్‌ అసోసియేట్స్‌ డిజైన్, బిల్డ్‌, ఫైనాన్స్‌, ఆపరేట్‌, ట్రాన్స్‌‌‌‌‌‌‌‌ఫర్‌ (డీబీఎఫ్ఓటీ) పీపీపీ మోడల్‌‌‌‌‌‌‌‌లో నిర్మించి అమలు చేస్తుంది.
ఉదయం 5 గంటల నుంచి రాత్రి 11 గంటల వరకూ ఇక్కడ పార్క్ చేసుకోవచ్చు. ఆటోమేటెడ్ సెన్సర్లు, లిఫ్టుల సహాయంతో వాహనాలను వేగంగా, సమర్థవంతంగా పై, కింది అంతస్తుల్లోకి తరలించవచ్చు. యంత్రాలు, స్మార్ట్ కార్డ్‌‌‌‌‌‌‌‌ల ద్వారా పార్కింగ్ టికెట్లు జారీ చేస్తారు. ముందుగానే పార్కింగ్ బుక్‌ చేసుకునేందుకు, నావిగేషన్‌, ఇతర సర్వీసుల కోసం ఒక మొబైల్‌ యాప్ను కూడా తీసుకురానున్నారు. పార్కింగ్ సజావుగా సాగేందుకు డిజిటల్‌ సర్వీసుల ద్వారా నిరంతరం పర్యవేక్షిస్తారు. ఇప్పటికే పూరైన మల్టీ లెవెల్‌ స్మార్త్ పార్కింగ్ ఇటీవలే ట్రయల్ రన్ కూడా విజయవంతంగా పూర్తి చేసుకుంది.
పార్కింగ్ ప్రత్యేకతలు
కాంపాక్ట్ డిజైన్: నిలువు రోటరీ సిస్టమ్ ద్వారా భూమి వినియోగం తగ్గింది
పార్కింగ్ సామర్థ్యం: 72 కార్లు, ద్విచక్ర వాహనాల కోసం ప్రత్యేక స్థలాలు
స్మార్ట్ యాక్సెస్: ఆర్ఎఫ్ఐడీ ఆధారిత ప్రవేశం- నిష్క్రమణ
ఈవీ చార్జింగ్: గ్రీన్ మొబిలిటీకి తోడ్పాటు
స్మార్ట్ భద్రత: సెన్సర్లు, లాకింగ్ వ్యవస్థలు, సీసీటీవీ పర్యవేక్షణ
పని వేళలు: ఉదయం 5 గంటల నుంచి రాత్రి 11 గంటల వరకు
