సుధీర్ బాబు హీరోగా రూపొందుతోన్న సూపర్ నేచురల్‌ మైథలాజికల్ థ్రిల్లర్‌ ‘జటాధర’. అభిషేక్ జైస్వాల్‌ దర్శకత్వం వహిస్తున్నాడు. సోనాక్షిసిన్హా విలన్‌‌‌‌గా నటిస్తోంది. తెలుగు, హిందీ భాషల్లో రూపొందుతోన్న ఈ చిత్రాన్ని జీ స్టూడియోస్‌, ప్రెర్ణా అరోరా సమర్పణలో ఉమేష్ కుమార్ బన్సాల్ నిర్మిస్తున్నారు.
ఇప్పటికే టీజర్‌‌‌‌‌‌‌‌ను రిలీజ్ చేయగా, తాజాగా ‘సోల్ ఆఫ్ జటాధర’ పేరుతో మ్యూజికల్ గ్లింప్స్‌‌‌‌ను విడుదల చేశారు. ‘ఓం నమ: శివాయ..’ అంటూ డివైన్ టచ్తో సాగిన సంగీతం ఆకట్టుకుంది. రాజీవ్ రాజ్ కంపోజ్ చేసి, స్వయంగా పాడిన ఈ ఆడియో గ్లింప్స్ సినిమాపై బజ్‌‌‌‌ను పెంచింది.
దివ్యా ఖోస్లా, శిల్పా శిరోద్కర్, ఇంద్రకృష్ణ, రవి ప్రకాష్, నవీన్ నేని, రోహిత్ పాఠక్, ఝాన్సీ, రాజీవ్ కనకాల, శుభలేఖ సుధాకర్ ఈ చిత్రంలో ముఖ్య పాత్రలు పోషిస్తున్నారు. ఈ సినిమా ప్రేక్షకులకు గ్రేట్ ఎక్స్‌‌‌‌పీరియెన్స్ ఇవ్వడంతోపాటు ఒక కొత్త లోకంలోకి తీసుకెళ్తుందని మేకర్స్ చెప్పారు. నవంబర్ 7న తెలుగు, హిందీ భాషల్లో సినిమా విడుదల కానుంది.
