సంగారెడ్డి టౌన్, వెలుగు: పోలీసుల ప్రతిభను వెలికితీయడానికి పోలీస్ డ్యూటీ మీట్ నిర్వహిస్తున్నామని ఎస్పీ పరితోశ్ పంకజ్ అన్నారు. శుక్రవారం సంగారెడ్డిలోని జిల్లా పోలీస్ ఆఫీసు ఆవరణలో జోన్ 6 కమిషనరేట్ మినహా సంగారెడ్డి వికారాబాద్ జిల్లాలకు చెందిన 58 మంది అధికారులు, సిబ్బంది, డాగ్ స్క్వాడ్ బాంబ్ డిస్పోజల్ టీం లకు జోనల్ లెవెల్ డ్యూటీ మీట్ నిర్వహించారు. ఇందులో ఉత్తమ ప్రతిభ కనబరిచిన వారిని 26న వరంగల్లో నిర్వహించే రాష్ట్రస్థాయి డ్యూటీ మీట్ కు ఎంపిక చేస్తామని తెలిపారు.
నేర స్థలంలో క్లూస్ ఏ విధంగా సేకరించాలి, డాగ్ స్క్వాడ్ పనితీరుపై పరీక్షలు నిర్వహించినట్లు చెప్పారు. రాష్ట్రస్థాయి డ్యూటీ మీట్ అనంతరం పూణేలో జరిగే డ్యూటీ మీట్ కు అర్హత సాధించాలని సూచించారు. సరైన పద్ధతిలో ఇన్వెస్టిగేషన్ చేసి కేసును ఛేదిస్తే ప్రజలలో పోలీసులపై నమ్మకం పెరుగుతుందన్నారు.
