బ్యాక్ టు బ్యాక్ సినిమాలు చేస్తున్న శ్రీవిష్ణు.. తాజాగా మరో ఆసక్తికరమైన ఎంటర్టైనర్తో ప్రేక్షకుల ముందుకు రాబోతున్నాడు. ‘సామజవరగమన’ తర్వాత శ్రీవిష్ణు, రామ్ అబ్బరాజు కాంబోలో ఇటీవల ఓ సినిమాను అనౌన్స్ చేయగా, దీనికి ‘ఫ్యామిలీ ప్యాక్’ అనే ఫన్నీ టైటిల్ను ప్రకటించారు. ఈ సందర్భంగా విడుదల చేసిన ఫస్ట్ లుక్, మోషన్ పోస్టర్ ఆకట్టుకుంది.
ఇందులో ఓ కలర్ఫుల్ బిల్డింగ్పై నుంచి శ్రీవిష్ణు కిందికి పడుతూ కనిపిస్తుండగా, చుట్టూ ఫ్యామిలీ మెంబర్స్, ఎగురుతున్న కరెన్సీ నోట్లు కనిపిస్తున్నాయి. సూట్కేస్, కాలిక్యులేటర్ వంటి వస్తువులు సినిమాలో డబ్బు, కుటుంబ అంశాలు కీలకంగా ఉండబోతున్నాయనే హింట్ ఇస్తున్నాయి. సాక్షి మదోల్కర్ హీరోయిన్గా నటిస్తున్న ఈ చిత్రంలో నరేష్ వీకే, అభిరామి, మురళీ శర్మ, అన్నపూర్ణమ్మ, వెన్నెల కిషోర్, సుదర్శన్, సత్య, రోహిణి, గెటప్ శ్రీను, మురళీధర్ గౌడ్ ఇతర పాత్రలు పోషిస్తున్నారు. రామ్ అబ్బరాజు సినిమాలతో అనుబంధం ఉన్న రచయితలు భాను భోగవరపు, నందు సావరిగాన ఈ చిత్రానికి కథ, స్క్రీన్ప్లే, డైలాగ్స్ అందిస్తున్నారు. మైత్రి మూవీ మేకర్స్ బ్యానర్పై నవీన్ యెర్నేని, వై. రవి శంకర్ నిర్మిస్తున్న ఈ చిత్రం సంక్రాంతికి ప్రేక్షకుల ముందుకు రానుంది.
