కేరళలో అత్యంత వైభవంగా జరుపుకునే సంస్కృతిక పండుగ ఓనం. ప్రకృతి అందాల మధ్య, సంప్రదాయాల పరిమళాలు వెదజల్లుతూ మూడు రోజుల పాటు వేడుకలా జరుపుకుంటారు. ఈ పండుగలో కుల, మత, వయస్సుతో సంబంధం లేకుండా అందరూ కలిసి ఆనందంగా పాల్గొంటారు. తెల్లవారుజాము నుంచే కేరళలోని ప్రతీ ఇల్లు సందడిగా మారిపోయింది. మహిళలు, చిన్నారులు సంప్రదాయ దుస్తులు ధరించి ఇంటి ముందు రంగురంగుల పూలతో 'పూక్కలం' వేశారు. తమ అభిమాన రాజు మహాబలిని ఆహ్వానించేందుకు ఈ పూల రంగవల్లులను సిద్ధం చేశారు. ఆలయాలు, బహిరంగ ప్రదేశాలు, షాపింగ్ సెంటర్లు పూలు, దీపాలతో అలంకరించబడి పండుగ వాతావరణాన్ని మరింత పెంచాయి.
ఓనం పండుగ కేవలం వేడుక మాత్రమే కాదు, ప్రేమ, సంతోషం, సామరస్యం, శాంతికి ప్రతీక. ప్రజలందరి జీవితాల్లో కొత్త ఆరంభాలను, సంపదను, సుఖ సంతోషాలను ఓనం తీసుకొస్తుందని ప్రజలు బలంగా నమ్ముతారు. పూల రంగవల్లులు, రుచికరమైన ఓనం సద్య (విందు) ఎప్పటికీ మరచిపోలేని ఆనందాన్ని ఇస్తాయని మలయాళీలు నమ్ముతారు. తెలుగు ప్రజలకు సంక్రాంతి ఎంత ముఖ్యమో, మలయాళీలకు ఓనం అంత ముఖ్యం.
సెలబ్రిటీల ఓనం శుభాకాంక్షలు
ఓనం పండుగ వేడుకలో సినీతారలు మునిగిపోయారు. ఈ సందర్భంగా తమ అభిమానులకు శుభాకాంక్షలు సోషల్ మీడియా వేదికగా తెలిపారు. వేడుకకు సంబంధించిన ఫోటోలను పంచుకున్నారు. ఓనం వేడుకలు కేరళ సంప్రదాయ చీరకట్టు లేకుండా అసంపూర్ణం. సంప్రదాయ చీరలు కట్టుకుని ఫోటోలకు ఫోజులిచ్చారు. తమ అభిమాన నటీమణులు అందాలను చూసి ఫ్యాన్స్ కామెంట్ల వర్షం కురిపిస్తున్నారు.
►ALSO READ | శిల్పాశెట్టి, రాజ్ కుంద్రాపై లుక్ అవుట్ నోటీసులు జారీ.. ఈడీ దర్యాప్తులో కొత్త ట్విస్ట్!
పృథ్వీరాజ్ సుకుమారన్ తన కుటుంబంతో ఓనం జరుపుకుంటున్నారు. ఆయన తన ఇన్‌స్టాగ్రామ్‌లో భార్య సుప్రియ మేనన్‌తో కలిసి ఉన్న ఫోటోను పంచుకున్నారు. ఈ ఫోటోలో పృథ్వీరాజ్ తెల్లటి షర్ట్, ధోతీలో కనిపించగా, సుప్రియ బంగారు అంచుతో ఉన్న చీరలో ఎంతో అందంగా కనిపించారు. "హ్యాపీ ఓనం!" అంటూ అభిమానులకు శుభాకాంక్షలు తెలిపారు.
Happy Onam! 🌻❤️ pic.twitter.com/PnHI25XI43
— Prithviraj Sukumaran (@PrithviOfficial) September 5, 2025
మరో నటి మాళవిక మోహనన్ "మీకు, మీ కుటుంబాలకు హ్యాపీ ఓనం. మీ ప్రియమైనవారితో ఎక్కువ నవ్వు, రుచికరమైన సద్య, అందమైన పూక్కలం మీకు దక్కాలని కోరుకుంటున్నాను" అని పోస్ట్ చేశారు.
Happy Onam to all of you and your families ♥️✨🌸
— Malavika Mohanan (@MalavikaM_) September 5, 2025
Wishing you lots of laughter with your loved ones, the yummiest sadhya & the most colourful pookalam ✨🌸🪷🌷🌺 pic.twitter.com/3SFcpdW8sr
అతుల్యా రవి "ఈ ఓనం ప్రేమ, ఆనందం, ఐక్యతను తీసుకురావాలని కోరుకుంటున్నాను. రంగుల పూక్కలాలు, రుచికరమైన సద్య మీకు అంతులేని ఆనందాన్ని ఇవ్వాలని ఆశిస్తున్నాను" అంటూ శుభాకాంక్షలు తెలిపారు.
Wishing you a harvest of love, joy, and togetherness this Onam. May the colorful pookalams and delicious sadya bring you endless joy this Onam ❤️🪷💐🌼🌹🌺🌻 #happyonam #onamspecial ! pic.twitter.com/I1itpYesov
— Athulyaa Ravi (@AthulyaOfficial) September 5, 2025
ప్రగ్యా జైస్వాల్ "హ్యాపీ ఓనం! ఈ పండుగ మీకు అదృష్టం, ఆనందం, శ్రేయస్సును తీసుకురావాలని ఆకాంక్షిస్తున్నాను" అని పోస్ట్ చేశారు
Happy Onam 🌺🌾 May this festive season bring you lots of good luck, joy & prosperity 💫✨ pic.twitter.com/dmKu6mrok2
— Pragya Jaiswal (@ItsMePragya) September 5, 2025
మలయాళీలందరికీ హృదయపూర్వక ఓనం శుభాకాంక్షలు! ఈ ఓనం శ్రేయస్సు, శాంతితో నిండిన కొత్త ప్రారంభాన్ని సూచిస్తుంది. "మీ దత్తపుత్రుడు (Your adopted son)" అల్లు అర్జున్ చేసిన పోస్ట్ అందరినీ ఆకట్టుకుంది.
Heartfelt Onam wishes to all Malayalis!
— Allu Arjun (@alluarjun) September 5, 2025
May this Onam mark a new beginning filled with prosperity and peace. 🤍🙏🏽
Your adopted son pic.twitter.com/c1EIxyc76S
నటి కృతి శెట్టి తన కుటుంబం, స్నేహితులతో కలిసి ఓనంను జరుపుకోవడం చాలా సంతోషంగా ఉందని చెప్పారు. చిన్నప్పటి నుంచి ఓనం సద్యాలో రుచికరమైన వంటలు తినడం, అమ్మతో కలిసి రంగవల్లులు వేయడం తన జీవితంలో మధురమైన జ్ఞాపకాలని ఆమె తెలిపారు.
మమ్ముట్టి, మోహన్‌లాల్, దుల్కర్ సల్మాన్, శృతి రామచంద్రన్, అనుపమ పరమేశ్వరం, పార్వతి నాయర్, కీర్తి సురేష్, కళ్యాణీ ప్రియదర్శిని, సంయుక్త, మీనా, అంజు కురియన్ వంటి స్టార్స్ అందరూ సోషల్ మీడియా వేదికగా తమ అభిమానులకు ఓనం శుభాకాంక్షలు చెప్పారు.
Happy Onam 🌸🌸🌸🌸🌸🌸 pic.twitter.com/zIhgWSvSkv
— Samyuktha (@iamsamyuktha_) September 5, 2025
