- ఎస్టీయూ అధ్యక్షుడు సదానందం గౌడ్ నిర్మల్ లో భారీ ర్యాలీ, బహిరంగ సభ
నిర్మల్, వెలుగు: ఉపాధ్యాయుల సమస్యల పరిష్కారం కోసం ఐక్య ఉద్యమాలు చేపడతామని ఎస్టీయూ రాష్ట్ర అధ్యక్ష, ప్రధాన కార్యదర్శులు సదానందం గౌడ్, జుట్టు గజేందర్ పేర్కొన్నారు. నిర్మల్ జిల్లాకు చెందిన గజేందర్ ఎస్టీయూ రాష్ట్ర ప్రధాన కార్యదర్శిగా ఎన్నికై మొదటిసారి జిల్లాకు వచ్చిన సందర్భంగా ఆయనకు, రాష్ట్ర అధ్యక్షుడు సదానందం గౌడ్ కు శుక్రవారం భారీ ర్యాలీతో స్వాగతం పలికారు.
అనంతరం పెన్షనర్స్ భవన్లో నిర్వహించిన కార్యక్రమంలో వివిధ టీచర్స్ యూనియన్ నాయకులు, పాటు ఎస్టీయూ సభ్యులు వారిని ఘనంగా సన్మానించారు. అనంతరం గజేందర్ మాట్లాడుతూ.. తనపై నమ్మకంతో బాధ్యతలు అప్పజెప్పిన యూనియన్ నాయకులకు, సభ్యులకు రుణపడి ఉంటానన్నారు. టీచర్లందరికీ అందుబాటులో ఉంటూ వారి సమస్యల పరిష్కారానికి కృషి చేస్తానన్నారు. సదానందం గౌడ్ మాట్లాడుతూ.. పెండింగ్ సమస్యల పరిష్కారం కోసం త్వరలోనే మిగతా యూనియన్లతో కలిసి సమిష్టి ఉద్యమ కార్యాచరణను రూపొందిస్తామని తెలిపారు.
ప్రభుత్వం ఉపాధ్యాయుల సమస్యల పరిష్కారానికి వెంటనే చర్యలు తీసుకోవాలని ప్రభుత్వాన్ని డిమాండ్ చేశారు. ఇచ్చిన హామీలను నిలబెట్టుకోవాలన్నారు. కార్యక్రమంలో ఎస్టీయూ జిల్లా అధ్యక్ష ప్రధాన కార్యదర్శులు భూమన్న యాదవ్, జె.లక్ష్మణ్, సంఘ బాధ్యులు, సభ్యులు పాల్గొన్నారు.
