ఇఫో (మలేసియా): సుల్తాన్ అజ్లాన్ షా కప్ హాకీ టోర్నమెంట్‌‌‌‌లో ఇండియా మెన్స్‌ టీమ్ ఫైనల్‌‌‌‌కు దూసుకెళ్లింది. శనివారం జరిగిన మ్యాచ్‌‌‌‌లో ఇండియా 14–-3 తేడాతో కెనడాను చిత్తుగా ఓడించి పూల్‌‌లో అగ్రస్థానంలో నిలిచింది.
ఈ మ్యాచ్‌‌‌‌లో జుగ్‌‌‌‌రాజ్ సింగ్ ఏకంగా నాలుగు గోల్స్ సాధించి జట్టు విజయంలో కీలక పాత్ర పోషించగా, నీలకంఠ శర్మ, రాజేందర్ సింగ్ తదితరులు కూడా అద్భుతంగా ఆడారు. సీనియర్ ఆటగాళ్లకు విశ్రాంతినిచ్చినప్పటికీ, యువ జట్టు కెనడాపై ఆద్యంతం పూర్తి ఆధిపత్యం చూపెట్టింది. జుగ్‌‌‌‌రాజ్ హ్యాట్రిక్ నమోదు చేయగా, అమిత్ రోహిదాస్, అభిషేక్, సెల్వం కార్తి కూడా సత్తా చాటారు. ఆదివారం జరిగే ఫైనల్లో బెల్జియంతో ఇండియా పోటీపడనుంది.
