Suresh Raina: చెన్నై సూపర్ కింగ్స్ (CSK) అభిమానులకు ఐపీఎల్ 2027 వేలానికి ముందే ఒక క్రేజీ న్యూస్ వెలుగులోకి వచ్చింది. సీఎస్కే చిన్న తలాగా ఫ్యాన్స్ పిలుచుకునే సురేష్ రైనా (Suresh Raina), మళ్లీ ఎల్లో ఆర్మీ (Yellow Army) కోసం పని చేయడానికి సిద్ధమైనట్లు వెల్లడించాడు. చెన్నై సూపర్ కింగ్స్ జట్టుకు కోచింగ్ లేదా మెంటార్ పాత్రలో సహాయం చేసేందుకు తాను మేనేజ్‌మెంట్‌ను ఇప్పటికే సంప్రదించినట్లు రైనా సంచలన ప్రకటన చేశాడు.
అశ్విన్ యూట్యూబ్ ఛానెల్‌లో రైనా హాట్ కామెంట్స్:
టీమిండియా మాజీ స్పిన్నర్ రవిచంద్రన్ అశ్విన్ యూట్యూబ్ ఛానెల్‌లో మాట్లాడిన సురేష్ రైనా, సీఎస్కే జట్టులో తన రీ-ఎంట్రీపై ఆసక్తికర విషయాలని షేర్ చేసుకున్నాడు. నేను దాదాపు 16–17 ఏళ్లు ఐపీఎల్ ఆడాను, సీఎస్కే తరఫున ఎన్నో మ్యాచ్‌లు గెలిపించాను.. ఇప్పుడు కోచింగ్ స్టాఫ్‌లో పని చేసే ఛాన్స్ ఇవ్వాలని ఫ్రాంచైజీ యాజమాన్యాన్ని కోరాను, మేం గెలిచాం, ట్రోఫీలు ఎత్తాం.. ఇక నిర్ణయం తీసుకోవాల్సింది సీఎస్కే యాజమాన్యమే.. ఎల్లో జెర్సీలో కుర్రాళ్లకు సాయపడే అవకాశం వస్తే అంతకంటే ఆనందం మరొకటి లేదన్నాడు. ఒత్తిడిని తట్టుకుని కన్సిస్టెంట్‌గా ఎలా ఆడాలో నేటి తరం యంగ్ బ్యాటర్లకు నేర్పించడమే తన లక్ష్యమని సురేష్ రైనా తెలిపాడు.
CSK ప్రస్తుత కోచింగ్ సిబ్బందిలో భారీ మార్పులు:
* ఐపీఎల్ 2027 సీజన్ కోసం చెన్నై మేనేజ్‌మెంట్ ఇప్పటికే తమ కోచింగ్ సిబ్బందిని పూర్తిగా ప్రక్షాళన చేసింది.
* హెడ్ కోచ్: స్టీఫెన్ ఫ్లెమింగ్ స్థానంలో టీమిండియా మాజీ పేసర్ జహీర్ ఖాన్ హెడ్ కోచ్‌గా నియమితుడయ్యాడు.
* బౌలింగ్ కోచ్: మోహిత్ శర్మ బౌలింగ్ కోచ్‌గా చేరగా.. గారెత్ బాటీ, ఆల్బీ మోర్కెల్‌లు అసిస్టెంట్ కోచ్‌లుగా సెలక్ట్ అయ్యారు.
* బ్యాటింగ్ కోచ్: ప్రెజెంట్ ప్రత్యేకంగా బ్యాటింగ్ కోచ్‌ను నియమించకూడదని నిర్ణయించిన మేనేజ్‌మెంట్.. ఎంఎస్ ధోనీ (MS Dhoni), బాటీలను మెంటార్లుగా వాడుకునే యోచనలో ఉంది.
CSK ఖచ్చితంగా కొనే 3 విభాగాలు ఇవే (రైనా అనాలిసిస్):
* డిసెంబర్ 16, 2026న జరగనున్న మిని వేలంలో (IPL 2027 Mini Auction) చెన్నై మూడు ప్రధాన విభాగాలపై దృష్టి పెట్టాలని సురేష్ రైనా సూచించాడు.
* పవర్ ప్లే వికెట్ టేకింగ్ స్పిన్నర్: ఒకప్పుడు రవిచంద్రన్ అశ్విన్ పవర్‌ప్లేలో వికెట్లు తీసినట్లు.. వేగంగా వికెట్లు పడగొట్టే నాణ్యమైన స్పిన్నర్ కావాలన్నాడు.
* లెఫ్ట్ ఆర్మ్ ఫాస్ట్ బౌలర్: డగ్ బోలింగర్ తరహాలో ఆరంభంలోనే దెబ్బకొట్టే క్వాలిటీ ఎడమచేతి వాటం పేసర్.
* లోయర్ ఆర్డర్ ఆల్‌రౌండర్: డ్వేన్ బ్రావో, ఆల్బీ మోర్కెల్, రవీంద్ర జడేజాల తరహాలో లోయర్ ఆర్డర్ లో బ్యాటింగ్‌తో పాటు బౌలింగ్ చేసే మ్యాచ్ విన్నర్ ఆల్‌రౌండర్ అవసరం ఉంది.
CAN WE SEE SURESH RAINA IN CSK DUGOUT ? RAINA SAYS "It's upto the management to decide and I'm open to any role" #CSK #Dhoni https://t.co/3I0I77AQ9p
— Friday Night (@FridayNightHQ) November 3, 2026
Welcome Liam & Jack! 💛 🦁🔍 தொடரும்... #TrustTheProcess https://t.co/3ILM4aSOuk
— Chennai Super Kings (@ChennaiIPL) November 5, 2026
