తమిళ డైరెక్టర్ విక్రమన్ కొడుకు విజయ్ కనిష్క హీరోగా నటిస్తున్న చిత్రం ‘హిట్ లిస్ట్’. సూర్య కతిర్ కాకల్లార్, కే. కార్తికేయన్ దర్శకత్వంలో ఆర్ కె సెల్యులాయిడ్స్ బ్యానర్‌‌‌‌పై డైరెక్టర్ కె ఎస్ రవికుమార్ నిర్మిస్తున్నారు. ఈ మూవీ టీజర్‌‌‌‌ను హీరో సూర్య రిలీజ్ చేసి టీమ్‌‌కు బెస్ట్ విషెస్ చెప్పాడు. యాక్షన్, సస్పెన్స్, క్రైమ్ జానర్‌‌‌‌లో ఈ చిత్రాన్ని రూపొందిస్తున్నట్టు టీజర్ ద్వారా తెలుస్తోంది.
సముద్రఖని, శరత్ కుమార్, గౌతమ్ వాసుదేవ్ మీనన్ ముఖ్యపాత్రల్లో కనిపించనున్నారు. శ్రీనివాస స్క్రీన్స్, శ్రీనివాస ఇన్ఫ్రా, బెక్కం ప్రొడక్షన్స్ సంస్థలు ఈ చిత్రాన్ని తెలుగులో విడుదల చేస్తున్నాయి. త్వరలోనే రిలీజ్ డేట్‌‌ను అనౌన్స్ చేయనున్నారు.
