హైదరాబాద్, వెలుగు: ఇండో–-ఫ్రెంచ్ ఛాంబర్ ఆఫ్ కామర్స్ & ఇండస్ట్రీ (ఐఎఫ్సీసీఐ)తో టీ–హబ్ అవగాహనా ఒప్పందం (ఎంఓయూ)పై శుక్రవారం సంతకం చేసింది. ఒక సంవత్సరంపాటు ఈ ఒప్పందం అమల్లో ఉంటుంది. భారతదేశం, ఫ్రాన్స్ ఆధారిత టెక్నాలజీ ఆధారిత స్టార్టప్‌‌‌‌‌‌‌‌‌‌‌‌‌‌‌‌‌‌‌‌‌‌లకు ప్రపంచ వ్యాప్తంగా అవకాశాలు కల్పించడం, రెండు దేశాలలో ఇనోవేషన్ ఎకోసిస్టమ్ను బలోపేతం చేయడం ఈ ఒప్పందం లక్ష్యం. టీహబ్, ఐఎఫ్సీసీఐ ఫ్రెంచ్ ఇండియా స్టార్టప్ ఎకోసిస్టమ్ల మధ్య అంతరాన్ని తగ్గించడానికి టెక్నాలజీ, ఇనోవేషన్ రంగాలలో ఇండో–-ఫ్రెంచ్ భాగస్వామ్యాన్ని పెంచడానికి ఈవెంట్‌‌‌‌‌‌‌‌లను, వర్క్‌‌‌‌‌‌‌‌షాప్‌‌‌‌‌‌‌‌లను నిర్వహిస్తారు. రాష్ట్ర ఐటీ, పరిశ్రమలశాఖ ప్రిన్సిపల్ సెక్రటరీ జయేష్ రంజన్, ఐఎఫ్సీసీఐ ఫౌండర్ సుమీత్ ఆనంద్, భారతదేశానికి ఫ్రాన్స్ రాయబారి ఇమ్మాన్యుయేల్ లెనైన్, భారతదేశంతో ఆర్థిక సంబంధాల కోసం ఫ్రెంచ్ ప్రభుత్వ ప్రత్యేక ప్రతినిధి పాల్ హెర్మెలిన్ పాల్గొన్నారు.
