టాలీవుడ్ మన్మథుడు నాగార్జునకు సంబంధించిన ఓ సినిమాపై చర్చ జరుగుతోంది. అక్కినేని నాగార్జున ప్రధాన పాత్ర పోషిస్తున్న ‘ది ఘోస్ట్’ (The Ghost) సినిమాలో ‘తమ హగనే’ (Tamahagane) అనే పదం ఏమిటనే దానిపై సినీ ప్రియులు, అభిమానులు ఆరా తీశారు. ది ఘోస్ట్.. తమ హగనేకు సంబంధించి వీడియో రిలీజ్అవుతుందని, ఆ పదానికి సంబంధించిన అర్థం తెలుసుకోవాలంటూ చిత్ర యూనిట్ పేర్కొంది. చెప్పినట్లుగానే గురువారం ఓ వీడియోను రిలీజ్ చేసింది. తమ హగనే అంటే ‘విలువైన ఉక్కు’ అని అర్థం చెప్పింది. శత్రువులు దాడి చేస్తారని ఓ ఇంట్లో ఉన్న నాగార్జునకు అర్థమౌతుంది. ఓ గదిలోకి వెళ్లి.. అక్కడ ఓ బాక్స్ ఓపెన్ చేస్తాడు. అందులో ఉక్కు రాయి ఉంటుంది. ఆ రాయిని... మండుతున్న కొలిమిలో వేస్తాడు. కత్తిలాంటి బాక్స్ లో కరిగిన ద్రవం పడే విధంగా చేస్తాడు. దీనిని నీటిలో వేసి.. పెద్ద కత్తిలాగా తయారు చేస్తాడు.
అనంతరం.. అండర్ వరల్డ్ కు చెందిన వ్యక్తులు ఇంటిని చుట్టుముట్టారని తెలుసుకుంటాడు. తుపాకితో ట్రాన్స్ ఫార్మర్ ను పేలుస్తాడు. ప్రవీణ్ సత్తారు దర్శకత్వంలో ఈ సినిమా రూపొందుతోంది. రాజశేఖర్తో ఆయన గరుడ వేగ సినిమా రూపొందించారు. ఈ సినిమా సంచలన విజయం నమోదు చేసుకుంది. ప్రస్తుతం ‘ది ఘోష్ట్’లో నాగార్జున ఇంటర్పోల్ ఆఫీసర్ గా నటిస్తున్నారు. శరవేగంగా చిత్రీకరణ జరుపుకొంటోంది. ట్రైలర్ 25న విడుదల చేయనున్నట్లు చిత్ర యూనిట్ వెల్లడించింది. ప్రపంచ వ్యాప్తంగా అక్టోబర్ 05వ తేదీన రిలీజ్కానుంది.
