న్యూఢిల్లీ: టాటా టెక్నాలజీస్ ఐపీఓకు మొదటిరోజే భారీ ఆదరణ దక్కింది. ఇష్యూ సైజు రూ. 3,042.51- కోట్లు కాగా, టాటా గ్రూప్కు గత 20 సంవత్సరాలలో ఇదే మొదటి పబ్లిక్ ఇష్యూ. బుధవారం సబ్‌‌స్క్రిప్షన్ మొదలు కాగా, ఆఫర్ 6.54 రెట్లు సబ్‌‌స్క్రయిబ్ అయింది. మొత్తం 4.5 కోట్ల షేర్లు అమ్మకానికి ఉండగా, కస్టమర్లు 29.43 కోట్ల ఈక్విటీ షేర్లకు బిడ్స్ వేశారు. రిటైల్ ఇన్వెస్టర్ల పోర్షన్ 5.42 రెట్లు, హెచ్‌‌ఎన్‌‌ఐల పోర్షన్ 11.69 రెట్లు సబ్‌‌స్క్రయిబ్ అయింది. క్వాలిఫైడ్ ఇన్‌‌స్టిట్యూషనల్ బయ్యర్లు 4.08 రెట్లు బిడ్ చేశారు. టాటా టెక్నాలజీస్ ఉద్యోగుల కోసం కేటాయించిన భాగం 1.1 రెట్లు బుక్కాగా, టాటా మోటార్స్ వాటాదారుల వాటా 9.3 రెట్లు బుక్ అయింది. పూణేకు చెందిన ఈ గ్లోబల్ ఇంజనీరింగ్ సేవల కంపెనీ తన ఉద్యోగుల కోసం 20.28 లక్షల షేర్లను, ప్రమోటర్ అయిన టాటా మోటార్స్ వాటాదారులకు 60.85 లక్షల షేర్లను రిజర్వ్ చేసింది.
గంధార్ ఐపీఓ జోష్
గంధార్ ఆయిల్ రిఫైనరీ ఐపీఓకు బుధవారం బిడ్డింగ్ ప్రారంభించిన కొన్ని గంటల్లోనే పూర్తిగా సబ్స్క్రయిబ్అయింది. రూ. 500.69 కోట్ల ఐపీఓ ఆఫర్‌‌లో 2,12,43,940 షేర్ల కోసం 2,96,40,864 షేర్లకు బిడ్స్వచ్చాయి. ఉదయం 11.40 గంటల వరకు 1.40 రెట్లు సబ్స్క్రయిబ్అయింది. రిటైల్ ఇండివిజువల్ ఇన్వెస్టర్ల భాగం 2.01 రెట్లు, నాన్-ఇన్‌‌స్టిట్యూషనల్ ఇన్వెస్టర్ల కోటా 1.76 రెట్లు సబ్‌‌స్క్రయిబ్ అయింది. ఈ ఐపీఓలో రూ. 302 కోట్ల వరకు తాజా ఇష్యూ, 1,17,56,910 ఈక్విటీ షేర్ల వరకు ఆఫర్-ఫర్-సేల్ ఉంటుంది. ఆఫర్ శుక్రవారంతో ముగుస్తుంది. ఐపీఓ ప్రైస్ బ్యాండ్ను షేరుకు రూ. 160-–169 మధ్య నిర్ణయించారు. గంధార్ ఆయిల్ రిఫైనరీ ఇండియా లిమిటెడ్ మంగళవారం యాంకర్ ఇన్వెస్టర్ల నుంచి 150 కోట్ల రూపాయలకు పైగా సేకరించినట్లు తెలిపింది.
