- టెస్ట్ మ్యాచ్ బరిలో ఇండియా విమెన్స్ టీమ్
- నేటి నుంచి ఇంగ్లండ్తో ఢీ
- మ. 3.30 నుంచి సోనీ టెన్‌1లో
ఒకటి, రెండు కాదు 2401 రోజుల లాంగ్ బ్రేక్. కరోనా దెబ్బకు మ్యాచ్ ప్రాక్టీస్ కూడా లేదు. పైగా.. ఆడేది ఫారిన్ గ్రౌండ్లో..! ప్రత్యర్థి రెడ్ బాల్ క్రికెట్తో టచ్లోనే ఉన్నా.. భయమెరుగుని మిథాలీ రాజ్ కెప్టెన్సీలోని ఇండియా విమెన్స్ టెస్ట్ సమరానికి సిద్ధమైంది. నేడు మొదలయ్యే మ్యాచ్లో ఇంగ్లండ్ను వారి గడ్డపై ఢీ కొడుతోంది. హోమ్‌‌‌‌గ్రౌండ్‌‌‌‌లో ఆట ఇంగ్లిష్ టీమ్కు అడ్వాంటేజ్ కాగా.. ఎక్స్పీరియన్స్ లేని ఇండియా ఎలా పెర్ఫామ్ చేస్తుందో మరి!
బ్రిస్టల్: దాదాపు ఏడేళ్ల సుదీర్ఘ విరామం తర్వాత ఇండియా విమెన్స్ టీమ్ టెస్ట్ చాలెంజ్కు రెడీ అయ్యింది. బ్రిస్టల్ వేదికగా బుధవారం మొదలయ్యే ఏకైక టెస్ట్ (నాలుగు రోజులు) మ్యాచ్లో మిథాలీ రాజ్ కెప్టెన్సీలోని ఇండియా విమెన్స్ టీమ్.. ఇంగ్లండ్ విమెన్స్ జట్టుతో తలపడనుంది. టీ20 వరల్డ్కప్ ఫైనల్లో ఆస్ట్రేలియా చేతిలో ఓటమి అనంతరం..కరోనా దెబ్బకు ఆటకు దూరమైన ఇండియా..ఇటీవల సౌతాఫ్రికాతో లిమిటెడ్ ఓవర్ ఫార్మాట్ సిరీస్లు ఆడింది. కానీ వాటిలోనూ ఓడిపోయి నిరాశపర్చింది. ఆ తర్వాత యూకే వచ్చిన మిథాలీ సేన..ఇప్పుడు రెడ్ బాల్ చాలెంజ్కు సిద్ధమైంది. కరోనా ప్రోటోకాల్స్ నేపథ్యంలో ఒక్క వామప్ మ్యాచ్ కూడా ఆడని ఇండియా .. నెట్ ప్రాక్టీస్ను నమ్ముకుని నేరుగా బరిలోకి దిగుతోంది. పైగా, జట్టులో చాలా మందికి టెస్ట్ ఫార్మాట్ అనుభవం లేకపోవడంతో ఒత్తిడంతా ఇండియాపైనే ఉంది. మరోపక్క ఇంగ్లండ్ టీమ్లో దాదాపు అందరూ లాంగ్ ఫార్మాట్తో టచ్లో ఉన్నారు. అందువల్ల హోమ్టీమ్ ప్లేయర్లు కాన్ఫిడెంట్గా బరిలోకి దిగనున్నారు.
షెఫాలీపై ఫోకస్
జట్టు విషయానికొస్తే..సొంతగడ్డపై జరిగిన సౌతాఫ్రికా సిరీస్లో ఇండియా ప్లేయర్లంతా ఘోరంగా ఫెయిలయ్యారు. ఆ తర్వాత ఆటకు దూరమైన ప్లేయర్లు మళ్లీ యూకేలోనే గ్రౌండ్లోకి వస్తున్నారు. పైగా చాలా గ్యాప్ తర్వాత టెస్ట్ ఆడనుండటంతో ఇండియాపైనే ఒత్తిడి ఉండనుంది. మంధాన, యంగ్స్టర్ షెఫాలీ వర్మ ఇన్నింగ్స్ను స్టార్ట్ చేయడం దాదాపు ఖాయమైంది. హార్డ్ హిట్టర్ షెఫాలీపై మేనేజ్మెంట్ చాలా ఆశలు పెట్టుకుంది. కెప్టెన్ మిథాలీ, వైస్ కెప్టెన్ హర్మన్ప్రీత్ , పూనమ్ రౌత్ మిడిలార్డర్ భారాన్ని మోయనున్నారు. ఈ మ్యాచ్ కోసం మెన్స్ టీమ్ వైస్ కెప్టెన్ రహానె నుంచి బ్యాట్స్విమెన్ టిప్స్ తీసుకున్నారు. అవి వర్కౌట్ అవుతాయో లేదో చూడాల్సి ఉంది. స్పిన్ బౌలింగ్ ఆల్రౌండర్ దీప్తి శర్మ మిడిలార్డర్లో కీలకం కానుంది. ఇక, జులన్ గోస్వామి, శిఖా పాండే బౌలింగ్ను నడిపించే చాన్సుంది. థర్డ్ పేసర్గా హైదరాబాదీ అరుంధతి రెడ్డికి చాన్స్ రావొచ్చు. అయితే, సీనియర్లు జులన్, శిఖా లాంగ్ స్పెల్స్ వేయగలరా లేదా అనేది ఆసక్తికరంగా మారింది. ఇక, సఫారీ సిరీస్లో అట్టర్ఫ్లాపైన స్పిన్నర్లకు ఈ మ్యాచ్ కఠిన పరీక్షగా నిలవనుంది. కాగా, మ్యాచ్ ప్రాక్టీస్ లేకపోవడం వల్ల తమ ప్లేయర్లు ఈ మ్యాచ్లో ఎలాంటి ప్రెజర్ లేకుండా బరిలోకి దిగుతున్నారని ఇండియా మేనేజ్మెంట్ చెబుతోంది. మరి మిథాలీ అండ్‌ కో గ్రౌండ్లో ఏం చేస్తుందో చూడాలి.
బలంగా ఇంగ్లిష్ జట్టు..
షార్ట్ ఫార్మాట్తో పాటు రెగ్యులర్గా టెస్టులు ఆడుతున్న ఇంగ్లండ్ ప్లేయర్లంతా చాలా ఉత్సాహంగా కనిపిస్తున్నారు. కెప్టెన్ హెథర్నైట్, వైస్ కెప్టెన్ సీవర్, ఎకిల్స్టోన్, ష్రబ్సోల్ కీలక ప్లేయర్లు. పక్కా ప్లాన్తోనే హోమ్టీమ్ బరిలోకి వస్తోంది. ఇండియా టెస్ట్ ఆడి చాలా కాలం అయినప్పటికీ వారిని తక్కువ అంచనా వేయమని సీవర్ ఇప్పటికే చెప్పింది.
2401
2014 నవంబర్లో చివరిగా ఓ టెస్ట్ ఆడిన ఇండియా విమెన్స్ టీమ్ 2401 రోజుల తర్వాత మళ్లీ బరిలోకి దిగుతోంది. రోజుల సంఖ్య పరంగా రెండు టెస్టుల మధ్య ఇది మూడో పెద్ద బ్రేక్. ఇదివరకు అత్యధికంఆ 2903 (2006 ఆగస్టు–2014 ఆగస్టు) రోజుల బ్రేక్ తీసుకుంది. ఓసారి 2560 రోజుల(1977 జనవరి–1984 జనవరి) పాటు టెస్టు క్రికెట్ ఆడలేదు.
1
ఈ మ్యాచ్లో ఇండియా గెలిస్తే.. విమెన్స్ క్రికెట్లో వరుసగా నాలుగు టెస్ట్ మ్యాచ్లు గెలిచిన తొలి జట్టుగా నిలుస్తుంది.
2-1
ఇండియా, ఇంగ్లండ్ మధ్య ఇప్పటిదాకా 13 టెస్టులు జరిగాయి. ఇండియా 2 విజయాలు సాధించగా, ఇంగ్లండ్ ఒకటి గెలిచింది. మిగిలినవి డ్రా అయ్యాయి.
డ్యూక్స్ కాదు కుకాబుర్రా...
ఇంగ్లండ్లో జరిగే టెస్ట్ మ్యాచ్ల్లో సాధారణంగా రెడ్ డ్యూక్స్ బాల్ను ఉపయోగిస్తారు. అయితే, ఇంగ్లండ్ యాషెస్ సిరీస్ సన్నాహకాల్లో భాగంగా ఈ మ్యాచ్లో కుకాబుర్రా బాల్ను వాడుతున్నారు. ఇంగ్లిష్ కండిషన్స్లో కుకాబుర్రా బాల్తో ఇండియా ప్లేయర్లకు పరీక్ష తప్పదని
విశ్లేషకులు అంటున్నారు.
టీమ్స్‌ (అంచనా)
ఇండియా: స్మృతి మంధాన, షెఫాలీ వర్మ/ప్రియా పునియా, పూనమ్ రౌత్, మిథాలీ రాజ్(కెప్టెన్), హర్మన్ప్రీత్ కౌర్(వైస్ కెప్టెన్), దీప్తి శర్మ. తానియా భాటియా (కీపర్‌), జులన్ గోస్వామి, శిఖా పాండే, పూనమ్ యాదవ్‌/ఏక్తా బిష్త్‌, అరుంధతి రెడ్డి/ పూజా వస్త్రాకర్‌.
ఇంగ్లండ్: టామీ బ్యూమోంట్‌, విన్‌‌‌‌ఫీల్డ్‌ హిల్‌, హెథర్ నైట్(కెప్టెన్), ఎమీ జోన్స్‌, సీవర్, సోఫియా డంక్లే, ఫ్రాన్‌ విల్సన్‌/ ఎల్విస్‌, కేథరిన్‌ బ్రంట్‌, అన్యా ష్రబ్సోల్, సోఫీ ఎకిల్స్టోన్, ఎమిలీ అర్లోట్‌/కేట్‌ క్రాస్‌.
