ఉదయం లేచిన దగ్గరి నుంచి రాత్రి పడుకునేదాకా చాటింగ్, కాల్స్, పోస్ట్లు, షేరింగ్లతో ఆన్లైన్లో టైంపాస్ చేస్తున్నారు చాలామంది. ఫోన్లు, ల్యాప్టాప్లతో ఎక్కువసేపు ఉండడంతో మనుషుల మధ్య సంబంధాలు దూరమవుతున్నాయి. ఇలాంటి వాళ్లలో టీనేజర్స్ ఎక్కువగా ఉన్నారని స్టడీలు చెబుతున్నాయి.
టీనేజర్స్కి సెల్ఫోన్ ఉంటే చుట్టుపక్కల ప్రపంచంతో సంబంధం ఉండదు. నిమిషానికో ఫేస్బుక్ పోస్ట్, గంటలకొద్దీ చాటింగ్... అలా సెల్ఫోన్తో రాత్రి, పగలు తేడా లేకుండా గడిపేస్తున్నారు. ఫోన్లలో కమ్యూనికేట్ అవుతూ అందరితో కలుస్తున్నాం అనుకుంటారు. అలాంటి వాళ్లు సెల్ఫోన్, ల్యాప్‌‌టాప్‌ లేకపోతే లోన్లీగా ఫీలవుతున్నారు. టీనేజర్స్ అయితే ఒక గదిలో కూర్చుని, సెల్ఫోన్తో తమని తాము లాక్ చేసుకుంటున్నారు. దీనివల్ల రోజురోజుకి వాళ్ల మెంటల్ హెల్త్ దెబ్బతింటోంది. అలాంటి వాళ్లు డిప్రెషన్ బారిన పడే ప్రమాదం ఉందంటున్నారు డాక్టర్లు. ఫ్యామిలీతో కలిసి డిన్నర్కి వెళ్లినా.. అక్కడ కూడా సెల్ఫీలు, ఫేస్బుక్, ఇన్స్టాగ్రామ్లలో పోస్ట్ పెట్టుకుంటూ ఫోన్తో బిజీ అయిపోతున్నారు. ఇంకొందరైతే సోషల్ మీడియా ఫ్రెండ్స్తో ఆన్లైన్ గేమ్స్ ఆడుతుంటారు. ఫిజికల్ ఎక్సర్సైజ్లు లేకపోవడంవల్ల బాడీ ఫిట్నెస్ తగ్గిపోతుంది. మెంటల్గానే కాకుండా ఫిజికల్గా కూడా నష్టపోవాల్సి వస్తుంది.
లిమిట్గా వాడడం..
గతేడాదంతా లాక్‌‌డౌన్ వల్ల ఇంటి నుంచి బయటికి రాకుండా, ఫ్రెండ్స్ని, రిలేటివ్స్ని కలవలేదు. ఇంట్లోనే ఉండి చాలా లోన్లీగా ఫీలయ్యారంతా. ఆ టైంలో సోషల్ మీడియాని వాడారు చాలామంది. ఆన్లైన్లో కొత్త ఫ్రెండ్స్ని వెతకడం కోసం డేటింగ్ యాప్స్తో కమ్యూనికేట్ అవుతున్నట్లు ఒక సర్వేలో తేల్చింది.
ఈ సంవత్సరంలో లాక్డౌన్కు మూడు నెలల ముందు దేశవ్యాప్తంగా జరిగిన సర్వేలో 28శాతం మంది సింగిల్ ఇండియన్స్ ఈ యాప్స్ వాడుతున్నట్టు తెలిసింది. వీటికి దూరంగా ఉన్న కొందరు... ఫ్రెండ్స్తో మాట్లాడేందుకు ఉపయోగపడుతున్నాయి. అలాగని గంటలకొద్దీ మాట్లాడాల్సిన అవసరం లేదు. ఒక చిన్న మెసేజ్ పెడితే చాలు. కొందరైతే అది కూడా అక్కర్లేదు అంటున్నారు.
డబ్బులు ఖర్చు చేయొద్దు
- ఎవరితోనైనా చాటింగ్ చేసేటప్పుడు, ఇంటి అడ్రస్, ఆఫీస్ వర్క్ వంటి వివరాలు చెప్పకూడదు.
- చిన్నపిల్లలు తల్లిదండ్రులకి తెలియకుండా పరిచయం లేని వ్యక్తులతో మాట్లాడొద్దు. వాళ్ల మెసేజ్లకు రెస్పాండ్ అవ్వొద్దు.
- ఆన్లైన్ ఫ్రెండ్స్ కోసం డబ్బులు ఖర్చు చేయొద్దు.
- అతిగా మాట్లాడకూడదు. సీక్రెట్స్ షేర్ చేసుకోకూడదు.
- ఆన్లైన్ ఫ్రెండ్స్ని బయట కలవాలనుకుంటే, సేఫ్గా ఉండే పబ్లిక్ ప్లేస్లలోనే కలవాలి.
ఒంటరితనానికి చెక్
- పది, పన్నెండేళ్ల పిల్లల్ని బయటికి వెళ్లి ఆడుకోనివ్వాలి. తల్లిదండ్రులు కాసేపైనా పిల్లలతో టైం స్పెండ్ చేయాలి.
- పదిహేనేళ్లలోపు పిల్లలకు ఒక మంచి ఫ్రెండ్ ఎలా ఉంటారో నేర్పించాలి. ఈ వయసులో హెల్దీ ఫ్రెండ్షిప్ అనేది చాలా ముఖ్యం.
- టీనేజర్స్కి సెల్ఫోన్ ఇవ్వకపోవడం మంచిది. లేదా సాయంత్రాలు కాసేపు ఇవ్వొచ్చు. రాత్రిళ్లు అస్సలు ఫోన్ చేతికి ఇవ్వొద్దు. దానివల్ల త్వరగా నిద్రపోరు. అలసిపోతారు, యాంగ్జైటీగా ఫీలవుతారు.
