కాళేశ్వరంపై విచారణ జరిపిస్తం : ఉత్తమ్కుమార్రెడ్డి

త్వరలోనే బ్యారేజీ సందర్శన బ్యారేజీ కుంగడం తీవ్రమైన అంశం
కాళేశ్వరం ఖర్చు, ఆయకట్టు వివరాలు ఇవ్వాలి..
ఇంజినీర్లకు ఆదేశం.. ప్రాజెక్టులపై తొలిసారి రివ్యూ
కేబినెట్ భేటీలో చర్చించి తుమ్మిడిహెట్టి బ్యారేజీ నిర్మిస్తామని వెల్లడి
రావాలని చెప్పినా రివ్యూ మీటింగ్కు అటెండ్ కాని డిపార్ట్మెంట్ సెక్రటరీ స్మితా సబర్వాల్

హైదరాబాద్, వెలుగు : కాళేశ్వరం ప్రాజెక్టుపై విచారణ జరిపిస్తామని, ప్రాజెక్టు ప్రధాన బ్యారేజీ మేడిగడ్డలో నిర్మాణ లోపాలకు బాధ్యులైన వారిపై కఠిన చర్యలు తప్పవని రాష్ట్ర నీటిపారుదల శాఖ మంత్రి ఉత్తమ్కుమార్రెడ్డి అన్నారు. త్వరలోనే మేడిగడ్డ బ్యారేజీ సందర్శనకు ఏర్పాట్లు చేయాలని, బ్యారేజీ నిర్మించిన ఏజెన్సీ ఆ పర్యటనలో పాల్గొనేలా చర్యలు చేపట్టాలని ఇంజనీర్లను ఆయన ఆదేశించారు.

మేడిగడ్డ బ్యారేజీ కుంగడం చాలా తీవ్రమైన అంశమని అన్నారు. సోమవారం తొలిసారి ప్రాజెక్టులపై ఈఎన్సీలు, సీఈలు, ఇతర ఇంజనీర్లతో జలసౌధలో ఉత్తమ్ రివ్యూ చేశారు.

మేడిగడ్డ బ్యారేజీ పిల్లర్ కుంగుబాటుకు దారితీసిన పరిస్థితులను ఈఎన్సీ (జనరల్) మురళీధర్వివరించారు. బ్యారేజీని రూ.4,600 కోట్లతో నిర్మించామని చెప్పారు. ఏడో బ్లాక్లోని ఒక పిల్లర్1.2 మీటర్లు కుంగడంతో దాని ప్రభావం మరో మూడు పిల్లర్లపై పడి వాటిలో పగుళ్లు వచ్చాయని తెలిపారు. ఆగస్టు 21న సాయంత్రం పిల్లర్లు కుంగాయని, ఆ రోజు నుంచే బ్యారేజీ గేట్లు ఎత్తి నీటిని ఖాళీ చేశామని అన్నారు. నీటిని ఖాళీ చేయడంతో పిల్లర్లు కుంగడం తగ్గిందని తెలిపారు. మంత్రి ఉత్తమ్మాట్లాడుతూ.. బ్యారేజీ కుంగిపోవడం చాలా తీవ్రమైన అంశమని అన్నారు.

‘‘కాళేశ్వరం ప్రాజెక్టు కోసం మొత్తం ఎంత ఖర్చు చేశారు? ఎన్ని ఎకరాల ఆయకట్టుకు నీళ్లు ఇచ్చారు? ఈ ప్రాజెక్టు ద్వారా ఒక్కో ఎకరానికి సాగు నీరు అందించడానికి ఎంత ఖర్చవుతుంది?.. అనే వివరాలన్నీ అందజేయాలి” అని ఆదేశించారు. రూ. లక్ష కోట్లతో ప్రాజెక్టు నిర్మిస్తే నామమాత్రంగా ఆయకట్టు ఉందని, ఇదేమిటని ఇంజనీర్లను ఆయన నిలదీశారు.

ఎస్ఎల్బీసీ టన్నెల్ప్రాజెక్టు పనులు ఎందుకు ముందుకు సాగడం లేదని ప్రశ్నించారు. వర్క్ఏజెన్సీకి చెల్లించాల్సిన కరెంట్బిల్లు బకాయిలు ఎంత అని ఆరా తీశారు. రాష్ట్రంలో ఉన్న 40 చెరువుల పునరుద్ధరణ, వాటి కింద ఆయకట్టుకు భరోసా కల్పించడంపై ప్రత్యేక శ్రద్ధ తీసుకుంటామని మంత్రి తెలిపారు.

తుమ్మిడిహెట్టి నిర్మిస్తం..

కాంగ్రెస్ప్రభుత్వం జలయజ్ఞంలో భాగంగా తలపెట్టిన తుమ్మిడిహెట్టి బ్యారేజీని నిర్మిస్తామని, దీనిపై కేబినెట్ భేటీలో చర్చించి నిర్ణయం తీసుకుంటామని మంత్రి ఉత్తమ్కుమార్రెడ్డి ప్రకటించారు. ఇంజనీర్లతో రివ్యూ అనంతరం జలసౌధలో ఆయన మీడియాతో మాట్లాడారు. తక్కువ ఖర్చుతో నీటిని లిఫ్ట్చేసే ప్రాణహిత – చేవెళ్లను పక్కన పెట్టి కాళేశ్వరం నిర్మించారని, ఆ ప్రాజెక్టును ఎలా వినియోగించుకోవాలనే దానిపైనా ఆలోచన చేస్తామని చెప్పారు.

ప్రజల డబ్బులతో కట్టే ప్రాజెక్టుల విషయంలో బాధ్యతాయుతంగా, జవాబుదారీతనంతో పని చేయాలని అన్నారు. కృష్ణాలో నీటి వాటాలు తేల్చడంపై కేంద్రంతో సంప్రదింపులు జరుపుతామని తెలిపారు. డిపార్ట్మెంట్లో రహస్య జీవోలు లేకుండా చర్యలు చేపడుతామన్నారు. ఈ నెల 14న సెక్రటేరియట్లో ఇరిగేషన్శాఖ మంత్రిగా బాధ్యతలు స్వీకరిస్తానని.. ప్రజలు, అధికారులకు పూర్తి స్థాయిలో అందుబాటులో ఉంటానని ఉత్తమ్కుమార్రెడ్డి పేర్కొన్నారు.

ప్రతి ప్రాజెక్టుపై విడివిడిగా రివ్యూలు

వచ్చే వారం నుంచి ప్రతి ప్రాజెక్టుపై వేర్వేరుగా రివ్యూ చేస్తానని మంత్రి ఉత్తమ్కుమార్రెడ్డి చెప్పారు. పాలమూరు – రంగారెడ్డి లిఫ్ట్స్కీంపై పూర్తి వివరాలు రెడీ చేయాలని అధికారులను ఆదేశించారు. సీడబ్ల్యూసీ అనుమతి లేకుండానే ప్రాజెక్టులు ఎలా నిర్మిస్తారని, దానికి ఎలా నిధులు సమీకరించారని, అన్ని వివరాలు ఇవ్వాలని తేల్చి చెప్పారు. ‘‘నిర్మాణంలో ఉన్న ప్రాజెక్టులకు థర్డ్పార్టీ చెకింగ్ఉందా..? కాళేశ్వరం ప్రాజెక్టు నిర్మాణానికి సీడబ్ల్యూసీ అనుమతి ఉందా?’’ అనే వివరాలు అడిగారు.

ఇప్పటికే ఒక ప్రాజెక్టు పరిధిలో ఉన్న ఆయకట్టును కాళేశ్వరం కింద ఎలా చూపిస్తారని, వర్షం వచ్చినప్పుడు నీటిని లిఫ్ట్ చేయాల్సిన అవసరం ఏమిటని ఆయన ప్రశ్నించారు. ‘‘ఇరిగేషన్ డిపార్ట్మెంట్లో ఏదో జరుగుతుందనే అపోహలు, అనుమానాలు ఉన్నయ్. ఇకపై డిపార్ట్మెంట్లో అవినీతికి తావులేకుండా సమర్థంగా పని చేయాలి” అని హెచ్చరించారు.

వందేండ్లు ఉండాల్సిన ప్రాజెక్టులు తొందరగానే దెబ్బతింటున్నాయని, అలా ఎందుకు జరుగుతుందని ఆయన ప్రశ్నించారు. ప్రాజెక్టుల వారీగా అన్ని వివరాలతో ఇకపై రివ్యూకు వస్తామని ఇంజనీర్లు తెలిపారు. కాళేశ్వరం, పాలమూరు – రంగారెడ్డి, సీతారామ లిఫ్ట్స్కీంలు సహా నిర్మాణంలో ఉన్న అన్ని ప్రాజెక్టుల వివరాలు సిద్ధం చేయాలని మంత్రి ఆదేశించారు.

లిఫ్ట్ స్కీంల కోసం వినియోగిస్తున్న కరెంట్వివరాలు కూడా ఇవ్వాలన్నారు. సమీక్షలో ఈఎన్సీలు మురళీధర్, అనిల్కుమార్, నాగేందర్రావు, హరిరాం, వెంకటేశ్వర్లు, శంకర్, సీఈలు, ఇతర ఇంజనీర్లు పాల్గొన్నారు. ఇరిగేషన్పై రివ్యూకు రావాలని డిపార్ట్మెంట్సెక్రటరీ స్మితా సబర్వాల్కు సమాచారం ఇచ్చినా ఆమె హాజరుకాలేదు.