- పీక్ టైమ్ లో సోలార్పవర్ ఉపయోగించేలా ఏర్పాట్లు
- ఇప్పటికే 375 మెగావాట్ల బీఈఎస్ఎస్ కరెంట్ గ్రిడ్ కు అనుసంధానం
హైదరాబాద్, వెలుగు : రాష్ట్రంలో రూ.28 వేల కోట్లతో బ్యాటరీ ఎనర్జీ స్టోరేజ్సిస్టమ్(బీఈఎస్ఎస్) ఏర్పాటు చేయాలని సర్కారు భావిస్తోంది. 4 వేల మెగావాట్ల బీఈఎస్ఎస్ ప్లాంట్ల ఏర్పాటుకు త్వరలో టెండర్లు పిలవనుంది. ఈ మేరకు గురువారం జరిగిన కేబినెట్మీటింగ్లో నిర్ణయం తీసుకున్నారు. సాయంత్రం 6 నుంచి రాత్రి 10 గంటల పీక్ టైమ్లో కరెంట్ కోతలు లేకుండా గ్రీన్ఎనర్జీ వాడుకునేందుకు ఈ ఏర్పాటు చేస్తున్నారు. ఇప్పటికే రాష్ట్రంలో 375 మెగావాట్ల బీఈఎస్ఎస్ కరెంట్ గ్రిడ్ కు అనుసంధానం చేశారు.
బ్యాటరీ ఎనర్జీ స్టోరేజ్ సిస్టమ్ పనిచేది ఇలా..
సోలార్, విండ్ పవర్లాంటి పునరుత్పాదక ఇంధనాన్ని పగటిపూట మాత్రమే వినియోగించుకునే వీలుంటుంది. ఈ విద్యుత్ను నిల్వ చేసి అవసరమైనప్పుడు వినియోగించుకునేందుకు బీఈఎస్ఎస్ అవసరమవుతుంది. ఇలా నిల్వ చేసిన విద్యుత్ను సూర్యుడు లేని సమయంలో, పీక్ పీరియడ్లో ఉపయోగించుకోవడానికి ఈ సిస్టమ్ ఉపయోగపడుతుంది. విద్యుత్ నిల్వ చేయడానికి లిథియం, ఐయాన్, ఫ్లో బ్యాటరీలను ఉపయోగిస్తారు. బ్యాటరీ మేనేజ్‌‌‌‌మెంట్ సిస్టమ్ (బీఎంఎస్), ఎనర్జీ మేనేజ్‌‌‌‌మెంట్ సిస్టమ్ (ఈఎంఎస్) పద్ధతి ద్వారా కరెంట్సప్లయ్చేస్తారు. పగటిపూట ఉత్పత్తి అయిన వాడుకోని సోలార్ పవర్ను ఉచితంగా గ్రిడ్ కు సరఫరా చేయకుండా, బ్యాటరీలో నిలువ చేసుకొని, అవసరమైనప్పుడు వాడుకునేందుకు సర్కారు ప్లాన్ చేస్తోంది.
డిమాండ్కు తగ్గట్టు సప్లై చేసేందుకు..
పీక్టైమ్లో విద్యుత్ కొనాలంటే ఎక్కువ రేటు ఉంటుంది. ఉదయం 6 నుంచి 10, రాత్రి 6 నుంచి 10 గంటల మధ్య సమయాన్ని విద్యుత్ శాఖ పీక్ టైమ్గా పరిగణిస్తుంది. ఈ టైమ్లో ఇండ్లు, పరిశ్రమల్లో వినియోగం ఎక్కవగా ఉండడంవల్ల డిమాండ్ను తగ్గట్టు సప్లయ్చేయడానికి బయటి నుంచి విద్యుత్ కొనుగోలుచేయాల్సి ఉంటుంది. దీనివల్ల ఒక్కో యూనిట్మీద రూ.3 వరకు అదనంగా ఖర్చు చేయాల్సి వస్తోంది. అవసరమైన మేరకు కరెంట్ అందుబాటులో లేక కొన్నిసార్లు కోతలు విధించాల్సివస్తోంది. బీఈఎస్ఎస్ సిస్టమ్ద్వారా పునరుత్పాదక ఇంధనాన్ని పీక్ టైమ్లో డిమాండ్కు తగ్గట్టు సప్లై చేయడానికి అవకాశం ఉంటుంది. డిస్కమ్లకు రూ. వేల కోట్ల విద్యుత్ కొనుగోళ్ల ఖర్చులు తగ్గిపోతాయి.
పవర్ గ్రిడ్తో అనుసంధానం
రాష్ట్రంలో ఇప్పటికే 375 మెగావాట్ల బీఈఎస్ఎస్ కరెంట్ గ్రిడ్ కు అనుసంధానం చేసినట్టు ఇంజినీర్లు తెలిపారు. రంగారెడ్డి జిల్లాలోని మహేశ్వరం దగ్గర 220 కేవీ సబ్స్టేషన్ సమీపంలో 187.5 మెగావాట్స్, యాదాద్రి భువనగిరి జిల్లా చౌటుప్పల్ 220 కేవీ సబ్ స్టేషన్ వద్ద 187.5 మెగావాట్స్ సామర్థ్యం కలిగిన బీఈఎస్ఎస్ ప్లాంట్లను ఇప్పటికే పవర్ గ్రిడ్తో అనుసంధానం చేశారు. సింగరేణి ద్వారా మంచిర్యాల జిల్లా మందమర్రిలో 28 మెగావాట్ల సోలార్ విద్యుతుత్పత్తి ప్లాంట్తో లింక్ చేసి ఒక మెగావాట్ సామర్థ్యం కలిగిన బీఈఎస్ఎస్ ప్లాంట్ ను పైలట్ ప్రాజెక్ట్గా ఏర్పాటు చేశారు. దీనికోసం రూ.2.73 కోట్లు ఖర్చుచేశారు. ఏడాదికి 9.1 లక్షల యూనిట్ల పవర్ను స్టోర్చేసి పీక్ టైమ్లో ఉపయోగించి ఏడాదికి రూ.70 లక్షలు ఆదా చేసుకోవాలని భావిస్తున్నది. ఇది సక్సెస్ అయితే రాష్ట్రవ్యాప్తంగా ఉన్న అన్నీ సింగరేణి ఏరియాలలో 250 మెగావాట్ల సామర్థ్యం కలిగిన బీఈఎస్ఎస్ ప్లాంట్ల ఏర్పాటుకు సింగరేణి సిద్దమైంది.
4 వేల మెగావాట్ల బీఈఎస్ఎస్ ఏర్పాటు..
రాష్ట్రంలో 4 వేల మెగావాట్ల బీఈఎస్ఎస్ ఏర్పాటు చేయాలని రాష్ట్ర ప్రభుత్వం లక్ష్యంగా పెట్టుకున్నది. జెన్కో ఆధ్వర్యంలో టెండర్లు పిలవడానికి ఏర్పాట్లు చేస్తోంది. ఒక మెగావాట్కు రూ.7 కోట్ల చొప్పున మొత్తం రూ.28 వేల కోట్ల పెట్టుబడితో బీఈఎస్ఎస్ ప్లాంట్లు ఏర్పాటు చేయాలని ప్రభుత్వం భావిస్తోంది. టెండర్లు ఖరారైన తర్వాత ఏడాది నుంచి ఎడాదిన్నర లోపు బ్యాటరీలు అమర్చి గ్రిడ్కు అనుసంధానం చేయవచ్చని జెన్కో ఇంజినీర్లు తెలిపారు. ఎల్నినో వల్ల పెరుగుతున్న విద్యుత్ డిమాండ్ను తట్టుకోవడానికి ఈ ప్లాంట్ల ఏర్పాటు ఉపయోగపడుతుందని చెబుతున్నారు. ఈ ప్రాజెక్ట్ కు కేంద్ర ప్రభుత్వం ఒక మెగా వాట్కు రూ.3.14 లక్షల చొప్పున రూ.2,500 కోట్లు సబ్సిడీ గా అందించనున్నది. మంత్రివర్గం కేవలం బీఈఎస్ఎస్ ప్లాంట్ల కెపాసిటీ, టెండర్ ప్రక్రియకు మాత్రమే ఆమోదం ఇచ్చింది. టెండర్లు పిలిచిన తర్వాతనే సైట్లు, ఎక్కడ ఎన్ని మెగావాట్ల కెపాసిటీ వంటి విషయాలు ఖరారు చేయనున్నారు. సాధారణంగా ప్రభుత్వ విద్యుత్ సబ్ స్టేషన్ల దగ్గర లేదా అనువైన గ్రిడ్ పాయింట్లలోనే ఈ బీఈఎస్ఎస్ ప్లాంట్లను ఏర్పాటు చేస్తారని ఇంజినీర్లు చెబుతున్నారు.
