ఇడుక్కి (కేరళ) : ప్రముఖ పర్యాటక ప్రాంతాల్లో ఒకటైన కేరళలోని మున్నార్ హిల్ స్టేషన్లో ఉష్ణోగ్రత మైనస్ డిగ్రీకి పడిపోయింది. ఇక్కడ టెంపరేచర్లు ఇంతలా తగ్గడం చలికాలం సీజన్ లో ఇదే ఫస్ట్ టైం. గురువారం తెల్లవారుజామున మున్నార్ లోని కేటీడీసీ టీ కౌంటీ వద్ద మంచు కురిసింది. ఇలాగే రోజూ ఉదయం కొన్ని వారాలపాటు మంచు కురిస్తే తమ పంట దెబ్బతింటుందని తేయాకు రైతులు ఆందోళన వ్యక్తం చేస్తున్నారు.
మున్నార్ పరిసర ప్రాంతాలైన చెందువారా, వట్టవాడలలోనూ చలి తీవ్రత పెరిగింది. బుధవారం అర్ధరాత్రి నుంచి గురువారం ఉదయం వరకు ఆయా ప్రాంతాల ప్రజలను చలి వణికించింది. మున్నార్, కన్నిమల, చెందువారా, చితువారా, ఎల్లపెట్టి, లక్ష్మి, సెవన్మల, దేవికులం ప్రాంతాల్లో టెంపరేచర్ మైనస్ 1 డిగ్రీలుగా నమోదైంది.