హైదరాబాద్, వెలుగు : రాష్ట్రంలో రానున్న 4 రోజులు తేలికపాటి జల్లులు కురిసే అవకాశం ఉందని వాతావరణ శాఖ వెల్లడించింది. గురువారం నుంచి ఆదివారం దాకా పలు జిల్లాల్లో వర్షాలు పడొచ్చని బుధవారం ఓ ప్రకటనలో తెలిపింది. మరోవైపు రాబోయే రెండ్రోజులు ఉత్తర, దక్షిణ తెలంగాణ జిల్లాల్లో టెంపరేచర్లు పెరిగే అవకాశం ఉందని హెచ్చరించింది.
బుధవారం నిజామాబాద్, ఆదిలాబాద్, నిర్మల్, నాగర్కర్నూల్లో ఉష్ణోగ్రతలు 40 డిగ్రీలు దాటేశాయి. అత్యధికంగా జక్రాన్ పల్లిలో 41.6 డిగ్రీలు, ఆదిలాబాద్ అర్బన్లో 41.5, తలమడుగు, భీమ్గల్, తానూర్లో 41.4 చొప్పున, నర్సాపూర్, జైనద్, కిష్టంపల్లి, మెండోరాల్లో 40.5 డిగ్రీల చొప్పున ఉష్ణోగ్రత రికార్డయిందని అధికారులు తెలిపారు.
