ముంబై: స్పైస్ జెట్ విమానానికి తృటిలో పెను ప్రమాదం తప్పింది. టేకాఫ్ సమయంలో విమానం టైర్ ఒక్కసారిగా ఊడిపోయింది. దీంతో విమానాన్ని ముంబైలోని ఛత్రపతి శివాజీ అంతర్జాతీయ విమానాశ్రయంలో అత్యవసరంగా ల్యాండింగ్ చేశారు. పైలట్ చాకచక్యంగా వ్యహరించడంతో తృటిలో పెను ముప్పు తప్పింది. ఈ షాకింగ్ ఘటనతో విమానంలోని ప్రయాణికులు తీవ్ర భయాందోళనకు గురయ్యారు. చివరకు విమానం సురక్షితంగా ల్యాండ్ కావడంతో ప్రయాణికులు, అధికారులు, ఎయిర్ లైన్స్ సిబ్బంది ఊపిరి పీల్చుకున్నారు.
అధికారుల వివరాల ప్రకారం.. 2025, సెప్టెంబర్ 12న గుజరాత్లోని కాండ్లా నుంచి స్పైస్‌జెట్ Q400 విమానం ముంబైకి బయలుదేరింది. అయితే.. కాండ్లా ఎయిర్ పోర్టులో విమానం టేకాఫ్ అవుతోన్న సమయంలో ఫ్లైట్ ముందు భాగంలోని టైర్ ఊడిపోయింది. ఒకే టైర్తో విమానం ముంబైకు వెళ్లింది. అనంతరం ముంబైలోని ఛత్రపతి శివాజీ అంతర్జాతీయ విమానాశ్రయంలో ఒకే టైర్తో విమానాన్ని ఎమర్జెన్సీ ల్యాండింగ్ చేశారు.
►ALSO READ | బాలీవుడ్‌ నటి దిశా పటాని ఇంటిపై కాల్పుల కలకలం
ఒక చక్రం ఊడిపోయినప్పటికీ పైలట్ చాకచక్యంగా వ్యవహరించి విమానాన్ని సురక్షితంగా ల్యాండ్ చేశారు. దీంతో విమానానికి పెను ప్రమాదం తప్పింది. ఫ్లైట్ సేఫ్గా ల్యాండ్ కావడంతో ప్రయాణికులు ఊపిరి పీల్చుకున్నారు. ఈ ఘటనలో ప్రయాణికులెవరికీ ఎటువంటి గాయాలు కాలేదని స్పైస్ జెట్ ఎయిర్‌లైన్స్ ప్రతినిధి తెలిపారు. ఈ ఘటనపై అధికారులు దర్యాప్తు ప్రారంభించినట్లు వెల్లడించారు. టేకాఫ్ సమయంలో విమానం టైర్ ఊడిపోయిన వీడియో సోషల్ మీడియాలో వైరల్గా మారింది.
