- మహారాష్ట్రలోని యవత్మల్లో ఘటన
యవత్మల్ (మహారాష్ట్ర): భూకంపం వచ్చినట్లు పెద్ద సౌండ్తో రోడ్డు కింద ఉన్న పైప్లైన్ బద్దలై నీళ్లు ఎగజిమ్మిన ఘటన మహారాష్ట్ర యవత్మల్జిల్లా కేంద్రంలో చోటు చేసుకుంది. శనివారం జరిగిన ఈ ఘటనలో స్కూటీపై వెళ్తున్న ఓ మహిళకు గాయాలయ్యాయి. దీనికి సంబంధించిన వీడియో సోషల్ మీడియాలో వైరల్ అవుతోంది. రోడ్డు కింద ఉన్న పైప్లైన్లో వాటర్ ప్రెషర్ ఎక్కువైంది. దీంతో పైప్లైన్ రోడ్డును రెండు ముక్కలు చేసుకుంటూ పెద్దఎత్తున బ్రౌన్ కలర్ వాటర్ బయటికి ఎగజిమ్మింది.
అప్పుడే స్కూటీపై అటువైపుగా వెళ్తున్న మహిళ.. నీటి ప్రవాహానికి కిందపడిపోయింది. దీంతో ఆమెకు గాయాలయ్యాయి. క్షణాల వ్యవధిలో ఆ రోడ్డంతా బురద నీటితో నిండిపోయింది. చుట్టుపక్కల గల్లీలకూ ఈ నీళ్లు ప్రవహించాయి. పైప్లైన్ ప్రెషర్కు రోడ్డుపై పెద్ద గుంత పడింది. అధికారులు దాన్ని పూడ్చి వాటర్ సప్లై పునరుద్ధరించే పనిలో పడ్డారు. ఈ ఏడాది జనవరిలో బెంగళూరులోని ఇట్టమడు మెయిన్ రోడ్డులోనూ ఇలాగే జరిగింది.
