విశాఖ : ఆంధ్రప్రదేశ్ లో గీతం మెడికల్ కాలేజీ కూల్చివేతకు రంగం సిద్ధమైంది. నిబంధనలకు పాటించకుండా నిర్మాణం జరిగిందని కూల్చివేతకు నిర్ణయం తీసుకున్నారు. ఇవాళ తెల్లవారు జామునుండి కూల్చివేతకు ప్రయత్నాలు చేస్తున్నట్లు తెలుస్తోంది. ప్రస్తుతం ప్రహరీ గోడలు తొలగిస్తున్నారు. ప్రస్తుతం అక్కడ పోలీసులు భారీగా మోహరించారు.
కనీసం సమాచారం లేకుండా.. కక్ష పూరితంగా కాలేజీని కూల్చివేస్తున్నారని గీతం మెడికల్ కాలేజీ యాజమాన్యం ఆరోపిస్తోంది. గతంలో కూడా గీతం యూనివర్సిటీ ఆక్రమణలను తొలగించే ప్రయత్నం జరిగింది. న్యాయస్థానాన్ని ఆశ్రయించి అప్పడు స్టే తెచ్చుకున్నారు. సుమారు 45 ఎకరాలు మేర ప్రభుత్వ భూములు ఆక్రమణ జరిగిందని ప్రభుత్వ అధికారులు చెబుతున్నారు. ఆర్డీవో ఆధ్వర్యంలో నిర్మాణాలను తొలగిస్తున్నారు. దీనిపై కళాశాల యాజమాన్యం అభ్యంతరం చెబుతోంది.
