ఈ జనరేషన్ లో డిజిటల్ స్క్రీన్ టైమింగ్ పెరిగింది. రోజులో ఎక్కువసేపు ఫోన్ లేదా కంప్యూటర్, ల్యాప్ టాప్, టీవీ చూస్తూ గడిపేస్తున్నారు చాలామంది. స్క్రీన్ టైమ్ పెరగడం వల్ల బ్లూ లైట్ నేరుగా కళ్లు, చర్మం మీద పడుతుంది. దీనివల్ల కళ్ల ఆరోగ్యంతో పాటు చర్మం కూడా దెబ్బతింటుంది. బ్లూ లైట్ ఎఫెక్ట్ నుంచి చర్మాన్ని కాపాడుకోవడానికి డెర్మటాలజిస్ట్ స్వప్న ప్రియ చెప్తున్న జాగ్రత్తలివి...
బ్లూలైట్ అనేది సూర్యకిరణాల్లో కూడా ఉంటుంది. ఇది 'హై ఎనర్జీ విజిబుల్ లైట్”. కంప్యూటర్, ల్యాప్టాప్, టీవీ, మొబైల్ ఫోన్ స్క్రీన్ల నుంచి కూడా బ్లూ లైట్ వస్తుంది. ఎక్కువ టైమ్ బ్లూ లైట్కి ఎక్స్పోజ్ అయితే స్కిన్ ప్రాబ్లమ్స్ వస్తాయి. బ్లూ లైట్ వల్ల నిద్ర వేళలు మారతాయని, చర్మకణాల రిథమ్ దెబ్బతింటుందని 'ఇంటర్నేషనల్ జర్నల్ ఆఫ్ కాస్మొటిక్ సైన్స్ 'లో వచ్చిన ఒక స్టడీ చెస్తోంది. అయితే, చర్మ సమస్యలకి బ్లూ లైట్ ఒక్కటే కారణం కాదు. ఎలర్జీలు, జెనెటిక్ కారణాల వల్ల కూడా స్కిన్ ప్రాబ్లమ్స్ వచ్చే ఛాన్స్ ఉంది.
ఎఫెక్ట్ పడుతుందిలా...
స్క్రీన్ టైమ్ పెరగడం వల్ల చాలామంది బ్లూ లైట్కి ఎక్స్పోజ్ అవుతున్నారు. పగలు, రాత్రివేళ కూడా బ్లూ లైట్ ఎఫెక్ట్ ఒకేలా ఉంటుంది. బ్లూ లైట్ వల్ల ఆక్సిడేటివ్ స్ట్రెస్ పెరుగుతుంది. అంటే కణాల్లో, కణజాలాల్లో తయారయ్యే రియాక్టివ్ ఆక్సిజన్ స్పీసెస్ (ఆర్డీఎస్) పోగవ్వడంతో బ్యాలెన్స్ తప్పుతుంది. దాంతోకణాల్ని దెబ్బతీసే ఫ్రీ-రాడికల్స్ లెవల్స్ పెరుగుతాయి. వీటి వల్ల చర్మంలోని కొల్లాజెన్, ఎలాస్టిన్ టిష్యూస్ డ్యామేజ్ అవుతాయి. దాంతో చర్మం సాగే గుణం కోల్పోతుంది. చర్మంపై ముడతలు వస్తాయి. బ్లూ లైట్ ఎఫెక్ట్ వల్ల కొందరిలో 'మంగు మచ్చలు', 'మెలిస్మా' వంటి చర్మ సమస్యలు కనిపిస్తున్నాయి. సస్క్రీన్స్ వాడుతున్నా కూడా వీళ్లలో ఈ సమస్య తగ్గడం లేదు. బ్లూ లైట్ కారణంగా వచ్చే సమస్యల్లో చాలావరకు కాస్మొటిక్ రకానికి చెందినవే. చర్మం డల్గా కనిపించడం, పిగ్మెంటేషన్, చర్మం ఎరుపెక్కడం, ముడతలు వంటి ప్రాబ్లమ్స్ వస్తాయి. రెగ్యులర్ వాడే సన్ స్క్రీన్తో ఈ సమస్యలు తగ్గవు. ఎందుకంటే... ఈ సస్క్రీన్స్ సూర్యకిరణాల్లో ఉండే అల్ట్రావయొలెట్-ఎ, అల్ట్రా వయొలెట్ -బి కిరణాల నుంచి మాత్రమే స్కిన్ని కాపాడతాయి.
ఏం చేయాలంటే...
బ్లూ లైట్ కారణంగా చర్మ సమస్యలు రాకూడదంటే స్క్రీన్ టైమ్ తగ్గించుకోవాలి. స్క్రీన్ గార్డ్ ఉన్న ల్యాప్ టాప్స్ వాడాలి. రాత్రిపూట లైట్స్ ఆఫ్ చేసి టీవీ, ఫోన్లు ఎక్కువ సేపు చూడొద్దు. బ్లూ లైట్ నుంచి రక్షణ కోసం ఫిజికల్ బ్లాకర్స్ వాడాలి. జింక్ ఆక్సైడ్, టైటానియం ఆక్సైడ్ లు ఉన్న సన్స్క్రీన్స్ ఫిజికల్ బ్లాకర్స్ పనిచేస్తాయి. ఇవి వాడితే బ్లూ లైట్ నుంచి ప్రొటెక్షన్ ఉంటుంది.
