V6 News Velugu

పచ్చిమిర్చి ఎక్కువ రోజులు ఫ్రెష్​గా ఉండాలంటే..

V6 Velugu Posted on Sep 17, 2021

ఒకేసారి వారం, పదిరోజులకు  సరిపడా కూరగాయలు, మసాలాలు కొంటారు చాలామంది. కానీ, పచ్చిమిర్చి, నిమ్మకాయ, అల్లం లాంటివి కొన్ని  రోజులకే  పాడవుతాయి. అలాకాకుండా ఇవి రెండు నెలల పాటు నిల్వ ఉండాలంటే ఈ  చిన్న టిప్స్​ ఫాలో అవ్వాలి.  పచ్చిమిర్చి ఎక్కువ రోజులు ఫ్రెష్​గా ఉండాలంటే మొదట శుభ్రంగా కడిగి, ఆరబెట్టాలి.  మిర్చి తొడాలు మిర్చిలోని తేమని పీల్చుకుని అవి మెత్తబడేలా చేస్తాయి. అందుకే  మిర్చి తొడాలు తీసి, గాలి చొరబడని డబ్బా అడుగున టిష్యూ పేపర్​ వేసి మిర్చిని దానిపై  పెట్టాలి.  వాటిపైన టిష్యూ పేపర్​ వేసి మూత పెట్టి  ఫ్రిజ్​లో స్టోర్​ చేయాలి.  పదిహేను  రోజులకొకసారి టిష్యూ పేపర్​ మార్చితే రెండు నెలల పాటు పచ్చిమిర్చి ఫ్రెష్​గా ఉంటుంది. నిమ్మకాయల్ని కూడా మిర్చి మాదిరిగానే గాలి చొరబడని డబ్బాలో టిష్యూ పేపర్​ వేసి స్టోర్​ చేయాలి. టిష్యూ పేపర్​లో నిమ్మకాయలు చుట్టి జిప్​ లాక్​ బ్యాగ్​లో ఉంచి  ఫ్రిజ్​లో పెట్టినా రెండు నెలల పాటు పాడు కావు.  అల్లంను శుభ్రంగా కడిగి  ఇరవై నిమిషాలు ఆరబెట్టాలి. గాలి చొరబడని డబ్బాలో టిష్యూలో చుట్టి స్టోర్ చేయాలి. 

Tagged tips, fresh, , Green chilli