నెల్లికుదురు( ఇనుగుర్తి), వెలుగు: మత్తు పదార్థాలను నిర్మూలించడమే లక్ష్యమని తొర్రూర్ డీఎస్పీ కృష్ణ కిశోర్ అన్నారు. శనివారం మహబూబాబాద్ ఎస్పీ సుధీర్ రామ్నాథ్ కేకన్ ఆదేశాల మేరకు ఇనుగుర్తి మండలం చిన్ననాగారంలో కార్డన్ సెర్చ్ నిర్వహించారు. ఈ తనిఖీల్లో 4 క్వింటాళ్ల బెల్లం, 4 వేల లీటర్ల సార, 20 లీటర్ల లిక్కర్, సరైన ధ్రువపత్రాలు లేని 22 బైకులు, ఒక ఆటో స్వాధీనం చేసుకున్నారు.
ఈ సందర్భంగా డీఎస్పీ మాట్లాడుతూ శాంతిభద్రతల పరిరక్షణకు ప్రతి ఒక్కరూ కృషి చేయాలని, గ్రామాల్లో ఎవరైనా గుడుంబా తయారుచేసినా, అమ్మినా చట్టరీత్యా కఠిన చర్యలు తీసుకుంటామని హెచ్చరించారు. కార్యక్రమంలో నెల్లికుదురు ఎస్సై రమేశ్ బాబు, దంతాలపల్లి ఎస్సై రాజు, పెద్ద వంగర క్రాంతి కిరణ్, నర్సింహులపేట ఎస్సై సురేశ్ సిబ్బంది పాల్గొన్నారు.
