ఆర్ వీ ట్రావెల్స్ నుంచి తిరుమల దర్శన ప్యాకేజీ

ఆర్ వీ ట్రావెల్స్ నుంచి తిరుమల దర్శన ప్యాకేజీ

కూకట్​పల్లి, వెలుగు: తిరుమల వెంకటేశ్వరస్వామి దర్శన ప్యాకేజీకింద భక్తులను తీసుకెళ్లడానికి  ఆర్​వీ టూర్స్​ అండ్​ ట్రావెల్స్​ ప్రైవేట్​ లిమిటెడ్​ సంస్థకు టీటీడీ అనుమతి ఇచ్చింది. సోమవారం  కూకట్​పల్లిలోని ట్రావెల్స్​ కార్యాలయంలో ఏర్పాటు చేసిన టూర్​ ప్యాకేజీ బ్రోచర్​ విడుదల కార్యక్రమానికి ప్రముఖ సినీ నటుడు తనికెళ్ల భరణి ముఖ్య అతిథిగా హాజరయ్యారు. ఈ సందర్భంగా ఆయన మాట్లాడుతూ ఇప్పటి వరకు టీటీడీ ద్వారా మాత్రమే తిరుమల స్వామిని దర్శించుకునే అవకాశం ఉండేదని తెలిపారు. మొదటి సారిగా ఒక ప్రైవేటు ట్రావెల్స్​కి టీటీడీ అనుమతి ఇవ్వటం అభినందనీయమన్నారు. జంట నగరాల్లోని వెంకటేశ్వరస్వామి భక్తులకు ఇది సువర్ణ అవకాశమని పేర్కొన్నారు. భక్తులను నగరం నుంచి తీసుకువెళ్లటంతో పాటు దర్శనం, వసతి సౌకర్యాలన్నీ ప్యాకేజీలోనే ఉన్నాయని, ఈ అవకాశాన్ని భక్తులు సద్వినియోగం చేసుకోవాలని భరణి కోరారు. సంస్థ మేనేజింగ్​ డైరెక్టర్​ ఆర్​.వి.రమణ మాట్లాడుతూ ఏపీటీడీసీతో కలిసి సంయుక్తంగా రెండు రకాల ప్యాకేజీలు భక్తులకు అందుబాటులో ఉంచామని తెలిపారు.