-
కరెంటు బండ్లే కావాలె
-
2027 నాటికి డీజిల్ కార్లు బంద్
-
బ్యాన్ చేయాలని సూచించిన ఆయిల్ మినిస్ట్రీ
-
డీజిల్ సిటీ బస్సులు కూడా వద్దని స్పష్టీకరణ
-
వీటిని బ్యాటరీ బస్సులుగా మార్చాలని సిఫార్సు
న్యూఢిల్లీ : కాలుష్యాన్ని, హానికర వాయువులను తగ్గించేందుకు డీజిల్ ఫోర్- వీలర్ వెహికల్స్పై నిషేధం విధించాలని భారత చమురు మంత్రిత్వ శాఖ సూచించింది. నగరాల్లో 2027 నాటికి డీజిల్‌‌‌‌‌‌‌‌‌‌‌‌‌‌‌‌తో నడిచే ఫోర్ -వీలర్ వెహికల్స్ వినియోగాన్ని నిషేధించాలని ఈ మంత్రిత్వశాఖ నియమించిన ఎక్స్పర్టుల ప్యానెల్ సిఫార్సు చేసింది. విషవాయువులను తగ్గించడానికి నగరాల్లో పది లక్షలకు పైగా జనాభా ఎలక్ట్రిసిటీ, గ్యాస్ ఇంధనంతో నడిచే వెహికల్స్కు మారాలి.
2030 నాటికి సిటీల్లో డీజిల్ బస్సులను అనుమతించకూడదు. 2024 నుండి నగర రవాణా కోసం డీజిల్ బస్సులను వాడకూడదు. గ్రీన్‌‌‌‌‌‌‌‌‌‌‌‌‌‌‌‌హౌస్ వాయువులను అత్యధికంగా విడుదల చేసే దేశాలలో ఒకటైన భారతదేశం, 2070 నాటికి నెట్ జోరో లక్ష్యాన్ని సాధించడానికి రెన్యువబుల్ ఎనర్జీని పెద్ద ఎత్తున తయారు చేయాలని అనుకుంటోంది. మొత్తం కరెంటులో 40 శాతం వాటా సోలార్, విండ్, హైడ్రోజన్ నుంచి ఉండాలని కోరుకుంటోంది.
చమురు శాఖ మాజీ కార్యదర్శి తరుణ్ కపూర్ నాయకత్వంలోని ఎనర్జీ ట్రాన్సిషన్ అడ్వైజరీ కమిటీ ఈ సిఫార్సులను చేసింది. వీటిని అమలు చేయడానికి పెట్రోలియం మంత్రిత్వ శాఖ క్యాబినెట్ ఆమోదం కోరుతుందా లేదా ? అనేది స్పష్టంగా తెలియలేదు. దేశంలో ఎలక్ట్రిక్ వెహికల్స్ వినియోగాన్ని పెంచేందుకు, ఫాస్టర్ అడాప్షన్ అండ్ మాన్యుఫాక్చరింగ్ ఆఫ్ ఎలక్ట్రిక్ అండ్ హైబ్రిడ్ వెహికల్స్ స్కీమ్ (ఫేమ్) కింద ఇచ్చిన ప్రోత్సాహకాలను ఇక ముందు కూడా పొడగించాలని సూచించింది. మనదేశంలో రిఫైన్డ్ ఫ్యూయల్ వాడకంలో ఐదింట రెండు వంతుల వాటా డీజిల్కే ఉంటుంది. ఇందులో 80శాతాన్ని రవాణా రంగంలో ఉపయోగిస్తారు.
బ్యాటరీతో నడిచే సిటీ డెలివరీ వెహికల్స్కు మాత్రమే 2024 నుంచి రిజిస్ట్రేషన్‌‌‌‌‌‌‌‌‌‌‌‌‌‌‌‌లను అనుమతించాలని ప్యానెల్ పేర్కొంది. వస్తువుల రవాణా కోసం రైల్వేలను, గ్యాస్‌‌‌‌‌‌‌‌‌‌‌‌‌‌‌‌తో నడిచే ట్రక్కులను ఎక్కువగా ఉపయోగించాలని సూచించింది. రెండు మూడేళ్లలో రైల్వే నెట్‌‌‌‌‌‌‌‌‌‌‌‌‌‌‌‌వర్క్ పూర్తిగా ఎలక్ట్రిక్‌‌‌‌‌‌‌‌‌‌‌‌‌‌‌‌గా మారనుంది. సుదూర బస్సులు భవిష్యత్లో బ్యాటరీలతో నడిచేలా చేయాల్సి ఉంటుందని, రాబోయే 10–-15 సంవత్సరాల్లో గ్యాస్ వాడకాన్ని విపరీతంగా పెంచాలని స్పష్టం చేసింది. భారతదేశం తన ఇంధనంలో గ్యాస్ వాటాను 2030 నాటికి 6.2శాతం నుండి 15శాతంకి పెంచాలని లక్ష్యంగా పెట్టుకుంది.
