- కమాన్ మెస్సీ!
- నేడు ఫిఫా వరల్డ్ కప్ ఫైనల్
- ఫ్రాన్స్తో అర్జెంటీనా అమీతుమీ
- రా. 8.30 నుంచి స్పోర్ట్స్18, జియో టీవీలో లైవ్
దోహా: నెల రోజులుగా ఫుట్బాల్ ఫ్యాన్స్ను ఉర్రూతలూగిస్తున్న ఫిఫా వరల్డ్కప్ వార్ క్లైమాక్స్కు వచ్చేసింది. ఓవైపు మాజీ చాంపియన్ అర్జెంటీనా.. మరోవైపు డిఫెండింగ్చాంపియన్ ఫ్రాన్స్ టైటిల్ ఫైట్కు రెడీ అయ్యాయి. ఆదివారం రాత్రి మెగా ఫైనల్ జరగనుంది. ఖతర్నాక్ ఆటతో ఫైనల్ చేరుకున్న ఈ రెండు మేటి జట్ల మధ్య అల్టిమేట్ ఫైట్.. ఫ్యాన్స్కు కిక్ ఇవ్వనుంది. ఈ మ్యాచ్లో అర్జెంటీనా లెజెండ్ లియోనల్ మెస్సీపై స్పెషల్ ఫోకస్ ఉంది. ఇందులో నెగ్గి కెరీర్లో లోటుగా ఉన్న కప్ను ముద్దాడాలని మెస్సీ లక్ష్యంగా పెట్టుకున్నాడు. 35 ఏండ్ల మెస్సీకి అర్జెంటీనా తరఫున ఇదే చివరి మ్యాచ్. టోర్నీలో అంతా తానై జట్టును ఇంతదూరం తెచ్చిన మెస్సీ కప్పు నెగ్గి కల నేర్చుకోవడంతో పాటు, కెరీర్కు ఘనంగా గుడ్బై చెప్పేందుకు ఇదే గోల్డెన్, లాస్ట్ చాన్స్ కానుంది. మరోవైపు గత ఎడిషన్లో ఫ్రాన్స్ను విన్నర్గా నిలిపిన ఎంబాపె మరో టైటిల్పై కన్నేశాడు. ఈ టోర్నీలో చెరో ఐదు గోల్స్ కొట్టిన మెస్సీ, ఎంబాపె ఫైనల్లో కీలకం కాబోతున్నారు. పైగా ఈ ఇద్దరూ గోల్డెన్ బూట్ రేసులో కూడా ఉన్నారు. తుదిపోరులో వీళ్లు ఎలా ఆడతారో చూడాలి.
సూపర్ ఫామ్లో లియోనల్
తన కెరీర్లో క్లబ్ టైటిల్స్తో మొదలుపెడితే.. ప్రతిష్టాత్మక బ్యాలెన్ డీ ఓర్ వరకు మెస్సీ అన్నీ గెలిచాడు. కానీ వరల్డ్కప్ను మాత్రం నెగ్గలేకపోయాడు. 2014లో చాన్స్ వచ్చినా.. ఫైనల్లో బ్రెజిల్ చేతిలో ఓడి రన్నరప్తో సరిపెట్టుకున్నాడు. అయితే ఇప్పుడు కెప్టెన్గా, స్టార్ ప్లేయర్గా 18 క్యారెట్ల గోల్డ్ కప్ను చేజిక్కించుకోవాలని పక్కా ప్లాన్స్ వేస్తున్నాడు. మెస్సీకి ఇదే చివరి వరల్డ్కప్. దాంతో, కప్ నెగ్గి సాకర్ లెజెండ్స్ పీలే, మారడోనా సరసన చోటు సంపాదించాలని భావిస్తున్నాడు. అలాగే1978, 1986లో టైటిల్ నెగ్గిన అర్జెంటీనాకు ముచ్చటగా మూడో కప్ను అందించాలని యోచిస్తున్నాడు. తొలి మ్యాచ్లోనే సౌదీ అరేబియా చేతిలో అనూహ్య ఓటమి తర్వాత అర్జెంటీనా బలంగా పుంజుకోవడం వెనుక మెస్సీనే ఉన్నాడు. ప్రతీ మ్యాచ్లో అంచనాలను అందుకుంటూ, జట్టు నుంచి తాను అనుకున్న ఆట రాబడుతున్నాడు. ఇప్పటికే ఐదు గోల్స్తో సూపర్ ఫామ్లో ఉన్న మెస్సీ, జట్టు కొట్టిన పలు గోల్స్కు కూడా సపోర్ట్ ఇచ్చాడు. అతనికి జూలియన్ అల్వారెజ్, రొడ్రిగో డి పాల్, మార్టినేజ్, డి మారియా నుంచి సరైన సహకారం అందితే అర్జెంటీనాకు తిరుగుండదు.
ఎంబాపెపైనే భారం..
ఈ టోర్నీలో ఇప్పటివరకు ఐదు గోల్స్ చేసిన కైలియన్ ఎంబాపె.. మరో మూడు గోల్స్కు సాయం అందించాడు. దీంతో ఫైనల్ మ్యాచ్లోనూ అతనే కీలకం కానున్నాడు. 2018లో చాంపియన్గా నిలిచిన ఫ్రాన్స్కు వరుసగా రెండోసారి టైటిల్ అందించి ఈ ఘనత సాధించిన బ్రెజిల్ (1962) సరసన నిలబెట్టాలని చూస్తున్నాడు. అలాగే 19 ఏళ్ల వయసులో తొలిసారి చాంపియన్గా నిలిచిన తాను కూడా రెండో టైటిల్తో పీలే సరసన చోటు సంపాదించాలని లక్ష్యంగా పెట్టుకున్నాడు. మిచెల్ ప్లాటిని, జినెదిన్ జిదానె, థియరీ హెన్రీలాంటి ప్లేయర్లతో మెరిసిన ఫ్రాన్స్ గత ఏడు వరల్డ్కప్స్లో నాలుగోసారి ఫైనల్ ఆడుతున్నది. గతంలో ఏ టీమ్కు ఇలాంటి రికార్డు లేదు. 1998లో కప్ గెలిచిన దియోడర్ డెస్చెంప్స్ కోచ్గా రెండోసారి కప్ను అందించాలని ప్లాన్స్ సిద్ధం చేశాడు. ఎంబాపెకు తోడుగా థియో హెర్నాండెజ్, రాండల్ కోలో మువానీ, ఒలివర్ గిరౌడ్ కూడా మెరిస్తే ఫ్రాన్స్కు తిరుగుండదు. అయితే ఫైనల్కు ముందు ఓ బ్యాడ్ న్యూస్ ఫ్రాన్స్ను కలవరపెడుతోంది. స్టార్ డిఫెండర్లు వరానె, కొనాటె, కోమన్ ఆనారోగ్యానికి గురయ్యారు. వైరల్ ఫీవర్తో బాధపడుతున్న వీరు శుక్రవారం ట్రెయినింగ్కు దూరంగా ఉన్నారు.
26 ఫైనల్ పోరుతో ఫిఫా వరల్డ్కప్లో అత్యధిక మ్యాచ్లు ఆడిన ప్లేయర్గా మెస్సీ రికార్డు సృష్టిస్తాడు. 6/12 ఇరుజట్ల మధ్య ఇప్పటివరకు 12 మ్యాచ్లు జరిగితే అర్జెంటీనా ఆరింటిలో నెగ్గింది. ఫ్రాన్స్ 3 మాత్రమే గెలిచింది. వరల్డ్కప్లో ఆడిన మూడు మ్యాచ్ల్లో అర్జెంటీనా రెండు గెలిస్తే, ఫ్రాన్స్ ఒకసారి విజయం సాధించింది.