సరఫరా తగ్గడంతో ముంబయిలో టమాటా ధరలు మండి పోతున్నాయి. వాశిలోని అగ్రికల్చర్ ప్రొడ్యూస్ మార్కెట్ కమిటీలో వీటి సరఫరా బాగా తగ్గింది. వ్యాపారులు తెలిపిన వివరాల ప్రకారం.. టమాటా పండే ప్రాంతాల్లో వడగాలుల వల్ల దిగుబడిపై ప్రభావం పడింది. దీనికి తోడు ప్రధాన సరఫరాదారు రాష్ట్రం అయిన కర్నాటకలో భారీ వర్షాలు పంటల్ని దెబ్బతీశాయి. ఎపీఎంసీ మార్కెట్లో టమాటా సరఫరా 50 శాతం తగ్గిందని, డిమాండ్ పెరిగి ధరలు చుక్కలనంటుతున్నాయని వినియోగదారులు వాపోతున్నారు.
గత వారం బహిరంగ మార్కెట్లో కిలో రూ.20 వరకు పలికింది. గతంలో హోల్ సేల్ మార్కెట్ లో వీటి ధర కిలో రూ.18–-28 ఉండేది. అయితే జూన్ 22న రూ.28-–50 ధర పలగ్గా.. రిటైల్ గా రూ. కిలో 60 నుంచి రూ.80 వరకు చెబుతున్నారని వినియోగదారులు వాపోతున్నారు. గతంలో మార్కెట్‌కు 4,050 ట్రక్కుల టమాటాలు వచ్చేవని, కానీ ఉత్పత్తి తగ్గడంతో అవసరమైన సరఫరాలో 50 శాతం మాత్రమే అందుతున్నాయని వ్యాపారులు అంటున్నారు.
