ట్విట్టర్ లో ఎదురవుతున్న పరినామాలవల్ల ట్విట్టర్ షేర్లు పడిపోతున్నాయి. ఇన్వెస్టర్లు, అడ్వర్టైజర్లు వెళ్లిపోతున్నారు. దాంతో ట్విట్టర్ రెవెన్యూ భారీగా కోల్పోతున్నాడు ఎలన్ మస్క్. అంతేకాకుండా ట్విట్టర్ కొనుగోలు, అభివృద్ధి కోసం తన టెస్లా షేర్లను అమ్ముకున్నాడు. ఈ దెబ్బతో కేవలం ఈ ఏడాదిలోనే 101 బిలియన్ డాలర్ల మస్క్ సంపద ఆవిరైపోయింది. అయినా 170 బిలియన్ డాలర్ల సంపదతో ఇప్పటికీ ప్రపంచ కుబేరుల జాబితాలో నెంబర్ వన్ ప్లేస్ లో ఎలన్ మస్క్ కొనసాగుతున్నాడు.
బ్లూమ్-బర్గ్ వెల్త్ ఇండెక్స్ ఇచ్చిన నివేదిక ప్రకారం, మస్క్ రోజుకు 2,500 కోట్ల సంపద కోల్పోతున్నాడు. టెస్లా కార్లలో తలెత్తిన లైటింగ్, ఎయిర్ బ్యాగ్స్-ల సాంకేతిక లోపంవల్ల దాదాపు మూడున్నర లక్షల టెస్లా కార్లను రీకాల్ చేశారు. దాంతో ఒక్కసారిగా షేర్లు పడిపోయాయి. ఇదేకాకుండా ట్విట్టర్ కు సంబంధించిన సమస్యలే మస్క్ సంపద ఆవిరైపోవడానికి కారణాలు.
