శ్మశానవాటికకు రెండెకరాల స్థలం కేటాయింపు

శ్మశానవాటికకు రెండెకరాల స్థలం కేటాయింపు
  • మంత్రి వివేక్ వెంకటస్వామికి థ్యాంక్స్​ చెప్పిన క్రైస్తవులు

కోల్​బెల్ట్, వెలుగు: మంచిర్యాల జిల్లా క్యాతనపల్లి మున్సిపాలిటీ పరిధి రామకృష్ణాపూర్ టౌన్​లో మూసివేసిన సింగరేణి టింబర్​యార్డ్​ప్రాంతంలో క్రైస్తవుల శ్మశానవాటికకు రెండెకరాల స్థలాన్ని శనివారం సింగరేణి  కేటాయించింది. మూడు రోజుల క్రితం పర్యటించిన రాష్ట్ర కార్మిక, గనుల శాఖ మంత్రి వివేక్​వెంకటస్వామిని రామకృష్ణాపూర్ పాస్టర్,​ఫెలోషిప్​అధ్యక్షుడు టి.ప్రభుదాస్​ నేతృత్వంలో పలువురు పాస్టర్లు, క్రైస్తవులు కలిశారు. 

శ్మశానవాటికకు స్థలం కేటాయించాలని, కమ్యూనిటీ హాల్​ ఏర్పాటుకు కృషి చేయాలని మంత్రిని కోరారు. స్పందించిన మంత్రి స్థలం కేటాయింపు విషయంపై వెంటనే కలెక్టర్​కుమార్​దీపక్, మందమర్రి ఏరియా సింగరేణి జీఎం ఎన్.రాధాకృష్ణతో మాట్లాడారు. మంత్రి ఆదేశాలతో సింగరేణి యాజమాన్యం మూసివేసిన టింబర్​యార్డు సమీపంలోని డంప్​యార్డు పక్కన రెండెకరాల స్థలాన్ని శ్మశానవాటికకు కేటాయించింది. సమాధుల కోసం స్థలం కేటాయించేలా కృషి చేసిన మంత్రి వివేక్​కు క్రైస్తవులు కృతజ్జతలు తెలిపారు. ఏండ్లుగా తాము ఎదుర్కొంటున్న సమస్యను పరిష్కరించారని ఆనందం వ్యక్తం చేశారు.