నస్పూర్, వెలుగు: రైతుల నుంచి జై శ్రీరాం వడ్లను సేకరించి ఎక్కువ పాలిష్ లేకుండా ధాన్యాన్ని మిల్లింగ్ చేసి కల్తీ లేకుండా తక్కువ ధరకు బియ్యాన్ని అందిస్తున్న గోదావరి ఎఫ్ పీ ఓ రైస్ స్టోర్స్ను ప్రజలు సద్వినియోగం చేసుకోవాలని జిల్లా అడిషనల్ కలెక్టర్ బి.రాహుల్ తెలిపారు. జిల్లా గ్రామీణాభివృద్ధి శాఖ ఆధ్వర్యంలో జిల్లా కేంద్రంలోని పోలీస్ స్టేషన్ సమీపంలో మహిళా సంఘాల ద్వారా ఏర్పాటు చేసిన గోదావరి ఎఫ్పీఓ రైస్ స్టోర్ను శనివారం ఆయన ప్రారంభించారు.
ఈసందర్భంగా మాట్లాడుతూ.. జిల్లాలోని మహిళా సంఘాలతో భీమారం, జైపూర్ మండలాల్లో రైతుల నుంచి సేకరించిన ధాన్యాన్ని ఎక్కువ పాలిష్, కల్తీ లేకుండా మిల్లింగ్ చేసి లాభాపేక్ష లేకుండా క్వింటాల్కు రూ.5,800 అమ్ముతున్నట్లు తెలిపారు. రవాణా చార్జీలతో విక్రయ కేంద్రం నుంచి ఇతర ప్రాంతాలకు సరఫరా చేయడానికి సౌకర్యం కల్పించామన్నారు.
బియ్యం కావాల్సిన వారు 9652004886, 7337488828 నంబర్లలో సంప్రదించలన్నారు. ఈ కార్యక్రమంలో జిల్లా గ్రామీణాభివృద్ధి అధికారి శేషాద్రి, జిల్లా పరిషత్ ముఖ్య కార్యనిర్వహణ అధికారి నరేందర్, సంబంధిత అధికారులు, విక్రయ కేంద్రం నిర్వహకులు పాల్గొన్నారు.
