ఉత్తరప్రదేశ్‌లోని బదౌన్ జిల్లాలో ఇద్దరు మహిళలను కొందరు వ్యక్తులు రోడ్డుపై దారుణంగా కొట్టారు. ఈ ఘటనకు సంబంధించిన ఓ వీడియో సైతం సోషల్ మీడియాలో హల్‌చల్ చేస్తోంది. కొంతమంది పురుషులు మార్గమధ్యంలో ఇద్దరు మహిళలను నిర్దాక్షిణ్యంగా కొట్టడం ఈ వీడియోలో చూడవచ్చు. ఈ ఇద్దరు బాధితుల్లో ఓ వృద్ధురాలు కూడా ఉండడం అందర్నీ తీవ్రంగా కలచివేస్తోంది.
ఈ సంఘటన ఉత్తరప్రదేశ్‌లోని బిల్సి పోలీస్ స్టేషన్ పరిధిలోని మహలోలి గ్రామంలో చోటుచేసుకుంది. ఆ ప్రాంతంలో ఆస్తి తగాదాల కారణంగా ఒకే కుటుంబానికి చెందిన వారి మధ్య గొడవ జరిగింది. కొంతమంది పురుషులు ఇద్దరు మహిళలను రోడ్డుపైకి లాగడం, రద్దీగా ఉన్న రహదారి మధ్యలో వారిని కొట్టారు. ఈ వ్యవహారాన్ని అక్కడి జనం అంతా ఓ వింత చూసినట్టు చూశారు. కనీసం ఎవరూ ఆపడానికి కూడా ముందుకు రాలేదు. మహిళలపై ఆ పురుషులు క్రూరత్వంగా ప్రవర్తిస్తున్నా ఎవరూ అడ్డుకునేందుకు సాహసించలేదు.
ALSO READ: కానిస్టేబుల్ చెంప చెళ్లుమనిపించిండు
పురుషులు అలా దారుణంగా కొట్టడంతో ఇద్దరు మహిళలకు తీవ్ర గాయాలయ్యాయి. ఈ వీడియోలో ఇద్దరు మైనర్లు కూడా ఉన్నట్టు తెలుస్తోంది. వాళ్లు కూడా తమ చేతిలోని ఇటుకలతో మహిళలపై దాడి చేస్తున్నారు. సగం నగ్నంగా ఉన్న వ్యక్తి ఒక మహిళను తన్నుతుండగా, మరొక వ్యక్తి ఆమె జుట్టును లాగడం, ఆమెను దారుణంగా కొట్టడం ఈ వీడియోలో కనిపిస్తోంది. వృద్ధురాలిని కూడా వాళ్లు కొట్టి నేలపైకి నెట్టేశారు.
ఈ దాడి తర్వాత తీవ్రంగా గాయపడిన ఆ మహిళలు సమీపంలోని ఆసుపత్రిలో చేరారు. అనంతరం ఈ సంఘటనకు సంబంధించి అధికారులు కేసు నమోదు చేశారు. నిందితులపై పోలీసులు అవసరమైన చర్యలు తీసుకుంటున్నారు. ఈ కేసుకు సంబంధించి ఒకరిని కూడా అదుపులోకి తీసుకున్నారు. మహిళలపై ఇలాంటి నేరాలను అరికట్టేందుకు ప్రభుత్వం చర్యలు తీసుకోవాలని, ఇలాంటి నేరాలకు పాల్పడే నేరగాళ్లపై కఠిన చర్యలు తీసుకోవాలని ఈ సందర్భంగా పలువురు డిమాండ్ చేస్తున్నారు.
यूपी के बदायूं में महिलाओं के साथ जमकर मारपीट करने का मामला सामने आया है... जिसमें भीड़ मूकदर्शक बनी महिलाओं को पिटता देख रही है... मारपीट में दो महिलाओं के गंभीर चोटें आई हैं जिन्हे अस्पताल में भर्ती कराया गया है...
— Subhi Yadav (@ManojYaSp) August 9, 2023
मामला बिल्सी थाना क्षेत्र के महलोली गांव का है pic.twitter.com/zHJELVhETC
