కన్నడ స్టార్ ఉపేంద్ర హీరోగా నటిస్తూ డైరెక్ట్ చేసిన సూపర్ హిట్ మూవీ ‘ఏ’ రీ రిలీజ్‌ అవుతోంది. ఉపేంద్రకు చెందిన ఉప్పి క్రియేషన్స్‌‌తో కలిసి చందు ఎంటర్‌‌‌‌టైన్మెంట్స్‌ బ్యానర్‌‌‌‌పై లింగం యాదవ్ ఈ చిత్రాన్ని జూన్ 21న తెలుగులో మళ్లీ విడుదల చేస్తున్నారు. ఈ సందర్భంగా శనివారం హైదరాబాద్‌‌లో ట్రైలర్ లాంచ్ ఈవెంట్‌‌ను నిర్వహించారు. కార్యక్రమంలో పాల్గొన్న ఉపేంద్ర మాట్లాడుతూ ‘ఈ సినిమా నా జీవితంలో మరిచిపోలేనిది.
26 ఏళ్ల క్రితం ఈ చిత్రం విడుదల అవుతున్న సమయంలో ఎంత ఉత్సాహంగా ఉన్నానో ఇప్పుడు కూడా అంతే ఉత్సాహంగా ఉన్నాను. రీ రిలీజ్‌‌లోనూ ఈ చిత్రానికి మంచి ఆదరణ దక్కుతుంది’ అని అన్నారు. 4కె క్వాలిటీతో ఈ చిత్రాన్ని ప్రేక్షకుల ముందుకు తీసుకొస్తున్నామని తెలుగు నిర్మాతలు లింగం యాదవ్, సైదులు అన్నారు.
