బీఎండబ్ల్యూ ఎక్స్6 కారు.. కలర్, దాని రూపు అదుర్స్ కదా! ఎప్పుడూ ఉన్న మోడలే కదా.. అందులో కొత్తేంటట అని అంటారా? దాని కలరే.. దానికి గొప్ప మరి. ఆహా, నల్ల రంగుకు అంత గొప్పా అంటే, నిజంగా ఈ నల్ల రంగు గొప్పే మరి. ఎందుకంటే ఇది నలుపుకే రారాజు నలుపు మరి. వాంటాబ్లాక్ అంటారట ఆ కలర్ను. 99 శాతం వెలుతురును ఈ నల్ల రంగు శోషించుకుంటుందట. దాని వల్లే భూమ్మీద అత్యంత నల్ల రంగుగా దానికి పేరట. నిజానికి 2016లో బ్రిటన్ ఆర్టిస్ట్ అనీశ్ కపూర్ ఈ వాంటాబ్లాక్ కలర్కు పేటెంట్ తీసుకున్నారట. కానీ, బీఎండబ్ల్యూ వాడిన వాంటాబ్లాక్కు కొంచెం మార్పులు చేసింది. వాంటాబ్లాక్ వీబీఎక్స్2గా పేరు పెట్టింది. దీంతో పేటెంట్ గొడవనేది ఉండదట.
ఏ కోణంలో నుంచైనా వెలుతురు దాని మీద పడినప్పుడు కొంచెం రిఫ్లెక్ట్ అయ్యి కారుకు స్పెషల్ అట్రాక్షన్ ఇస్తుందట. అందుకే ఇప్పుడీ ఈ నల్లరంగు బీఎండబ్ల్యూ కారు అంత అందంగా కనిపిస్తుందట. ఈ కారు నలుపు బీఎండబ్ల్యూను సెప్టెంబర్ 12 నుంచి 22 వరకు ఫ్రాంక్ఫర్ట్లో జరిగే మోటార్ షోలో ప్రదర్శిస్తామని కంపెనీ ప్రకటించింది. డిజైనర్లకు ఈ వాంటాబ్లాక్ వీబీఎక్స్2 కొత్త మార్గాలను తెరుస్తుందని దీనికి డిజైన్ చేసిన హుస్సేన్ అల్ అతార్ చెప్పారు. కాగా, 2014లో బ్రిటన్కు చెందిన సర్రే నానో సిస్టమ్స్ ఈ వాంటాబ్లాక్ కలర్ను కనిపెట్టింది. అంతరిక్షంలోని సుదూర గెలాక్సీలను స్టడీ చేసేలా ఈ నలుపు రంగును పంపేలా మార్పులూ చేశారు. మునుపు చాలా కంపెనీలు వాంటాబ్లాక్ను వాడుకోవాలకున్నా వద్దన్నానని, బీఎండబ్ల్యూకు మాత్రం బాగా నప్పిందని సర్రే నానో సిస్టమ్స్ ఓనర్ బెన్ జెన్సెన్ అన్నారు.
