ఎగిరే ఎలక్ట్రిక్ ట్యాక్సీ ఇది. విమానం లాంటిదే అనుకోండి. ఐదుగురు ఎంచక్కా ప్రయాణించే దీనిని కంపెనీ విజయవంతంగా గాల్లోకి ఎగిరించి టెస్ట్ చేసింది. వర్టికల్ టేకాఫ్ అండ్ ల్యాండింగ్ కెపాసిటీ దీనిసొంతం. జర్మనీకి చెందిన టాక్సీ స్టార్టప్ సంస్థ లిలియం దీన్ని తయారు చేసింది. దీనికి మొత్తం 36 ఇంజన్లుంటాయి. గంటకు 300 కిలోమీటర్ల వేగంతో దూసుకెళ్లగలదు. ఒక్కసారి చార్జ్ చేస్తే 128 కిలోమీటర్లు ప్రయాణించగలదు. లండన్ నుంచి మాంచెస్టర్కు జస్ట్ గంటలో వెళ్లిపోవచ్చని సంస్థ చెప్పింది. టెయిల్, రడ్డర్, ప్రొపెల్లర్లు, గేర్లు లేకుండానే దీన్ని రూపొందించారు. అవసరమైతే డ్రోన్గానూ దీన్ని వాడుకోవచ్చట.
