బాలీవుడ్ ప్రముఖ నటి విద్యాబాలన్ నటించిన ఒక షార్ట్ ఫిల్మ్ 2021 ఆస్కార్ బరిలో నిలిచింది. ఏదైనా ఫుల్ లెంగ్త్ సినిమా ఆస్కార్ బరిలో నిలవడమే చాలా కష్టం. అటువంటిది ఒక షార్ట్ ఫిల్మ్ ఆ రేసులోకి ప్రవేశించిందంటే ఆశ్చర్యపడాల్సిందే. విద్యాబాలన్ తల్లిగా, ఆమెకు కొడుకుగా సానికా పటేల్ నటించిన ‘నాట్‌కట్’ అనే షార్ట్ ఫిల్మ్ విమర్శకుల ప్రశంసలు అందుకుంది. ఈ సినిమాలో తల్లి తన కొడుకుకు లింగ సమానత్వం గురించి నేర్పుతుంది. అదేవిధంగా మహిళల పట్ల ఎలా నడుచుకోవాలో కూడా తెలుపుతుంది. ఈ సినిమాకు విద్యాబాలన్ నిర్మాతగా కూడా వ్యవహరించింది. రోనీ స్క్రూవాలా సహ-నిర్మాతగా పనిచేశారు. షాన్ వ్యాస్ దర్శకత్వం వహించగా.. అన్నూకంప హర్ష్ కథ రాశారు. ఈ షార్ట్ ఫిల్మ్ జూన్ 2, 2020న విడుదలైంది.
తాను నటించిన షార్ట్ ఫిల్మ్ ఆస్కార్ బరిలో నిలవడం తనకెంతో సంతోషాన్నిచ్చిందని ఆమె అన్నారు. ‘ప్రతిష్టాత్మక అంతర్జాతీయ చలన చిత్రోత్సవాలలో మా చిత్రం # నాట్కాట్ # OSCARS2021 రేసులో ఉంది’ అని ఆమె తన ఇన్‌స్టాలో పోస్ట్ చేశారు.
For More News..
