తమిళ స్టార్ హీరో దళపతి విజయ్(Vijay thalapathy), స్టార్ డైరెక్టర్ లోకేష్ కనగరాజ్(Lokesh kanagaraj) కాంబోలో తెరకెక్కించిన లేటెస్ట్ యాక్షన్ ఎంటర్టైనర్ లియో(Leo). పాన్ ఇండియా లెవల్లో తెరకెక్కిన ఈ సినిమా.. దసరా కానుకగా అక్టోబర్ 19న ప్రేక్షకుల ముందుకు వచ్చింది. భారీ అంచనాల మధ్య రిలీజైన ఈ సినిమాకు ఆడియన్స్ నుండి పాజిటీవ్ టాక్ రావడంతో.. బాక్సాఫీస్ వసూళ్ల వర్షం కురిపిస్తోంది. తొలి రోజే వరల్డ్ వైడ్ గా రూ. 146 కోట్ల భారీ ఓపెనింగ్స్ రాబట్టిన ఈ సినిమా.. కేవలం నాలుగురోజుల్లోనే రూ.400 కోట్లకు పైగా కలెక్ట్ చేసిన విజయ్ కెరీర్ లోనే బిగ్గెస్ట్ హిట్ గా నిలిచింది.
Also Read :- అమితాబ్ బచ్చన్, రజినీకాంత్‌ కాంబోకు స్పెషల్ క్రేజ్
ఇదిలా ఉంటే తాజాగా లియో ఓటీటీ రిలీజ్ కు సంబందించిన న్యూస్ ఒకటి సోషల్ మీడియాలో వైరల్ గా మారింది. ఈ సినిమా డిజిటల్ హక్కులను ప్రముఖ ఓటీటీ సంస్థ నెట్ ఫ్లిక్స్ భారీ ధరకు సొంతం చేసుకున్న విషయం తెలిసిందే. ప్రస్తుతం ఉన్న సమాచారం మేరకు ఈ సినిమా నవంబర్ 21 నుండి స్ట్రీమింగ్ కానుందనే వార్తలు వినిపిస్తున్నాయి. అయితే ఈ వార్తలపై ఇప్పటివరకు ఎలాంటి అధికారిక ప్రకటన రాలేదు. అయినప్పటికి ఈ సినిమా నవంబర్ 21 నుండి స్ట్రీమింగ్ కానుందని తెలుస్తోంది. మరి మేకర్స్ లియో సినిమా ఓటీటీ రిలీజ్ పై ఎలాంటి డెసిషన్ తీసుకుంటారో చూడాలి.
