న్యూఢిల్లీ: రీసైక్లింగ్ రంగంలోని వికాస్ లైఫ్కేర్ లిమిటెడ్ స్మార్ట్ మీటర్ల తయారీ చేపట్టడానికి ఇంద్రప్రస్థ గ్యాస్ లిమిటెడ్ (ఐజీఎల్)తో చేతులు కలిపింది. ఐజీఎల్ జెనిసిస్ టెక్నాలజీస్ పేరుతో ఇందుకోసం జాయింట్ వెంచర్ కంపెనీని ఏర్పాటు చేశారు. స్మార్ట్మీటర్ల తయారీ ప్రాజెక్టు కోసం రూ. 110 కోట్లను జాయింట్ వెంచర్ కంపెనీలో వెచ్చించనున్నట్లు వికాస్ లైఫ్కేర్ రెగ్యులేటరీ ఫైలింగ్లో వెల్లడించింది.
జాయింట్ వెంచర్ కంపెనీలో ఇంద్రప్రస్థ గ్యాస్ లిమిటెడ్కు 51 శాతం వాటా, వికాస్ లైఫ్కేర్ లిమిటెడ్కు 49 శాతం వాటా ఉంటాయని పేర్కొంది. గ్యాస్ మీటర్ల తయారీ, సేల్స్, డిస్ట్రిబ్యూషన్, సప్లయ్ వంటి కార్యకలాపాలను జాయింట్ వెంచర్ కంపెనీ చేపట్టనున్నట్లు వివరించింది. ప్లాస్టిక్ వేస్ట్ను ఇండస్ట్రియల్ అప్లికేషన్స్ కోసం పెల్లెట్స్, ఇంటర్లాకింగ్ టైల్స్గా వికాస్ లైఫ్కేర్ రీసైకిల్ చేస్తోంది.
