గ్రీన్ బిల్డింగ్స్ నిర్మాణానికి అనువైన ప్రొడక్టులను తయారు చేసే విశాక ఇండస్ట్రీస్ ఈ షోలో ఏర్పాటు చేసిన స్టాల్ ప్రత్యేక ఆకర్షణగా నిలుస్తోంది. సంస్థ తయారు చేసే సోలార్ రూఫ్, సిమెంట్, ఫైబర్తో తయారు చేసిన వీబోర్డ్స్ షీట్స్, వీప్యానెల్స్(డిజైనర్ బోర్డ్స్), ఎలక్ట్రిక్ బైక్ వేడర్ను ఇక్కడ ప్రదర్శిస్తున్నారు. ఈ సందర్భంగా సంస్థ సీనియర్ ఎగ్జిక్యూటివ్లు ‘వెలుగు’తో మాట్లాడుతూ ‘‘వీబోర్డ్స్షీట్స్ ఇటుక గోడల కంటే 10 రెట్లు తేలికగా ఉంటాయి. ఇటుక గోడల కంటే 35శాతం సన్నగా ఉంటాయి. కార్పెట్ ఏరియాను 4 శాతం పెంచుతాయి. క్యూరింగ్, ప్లాస్టరింగ్ అవసరం లేదు. పెయింటింగ్, లేబర్ ఖర్చులను తగ్గిస్తాయి.
వాల్ ప్యానెలింగ్, గ్రిడ్ ఫాల్స్ సీలింగ్, ఫాల్స్ సీలింగ్, కిచెన్ క్యాబినెట్లు, షెల్వ్లు, వార్డ్రోబ్లకు వీటిని వాడొచ్చు. గ్రీన్ బిల్డింగ్కు మరో కీలకమైన ప్రొడక్టు వీనెక్స్ట్ ప్రీమియం షీట్స్. ఇది పర్యావరణ అనుకూలమైన సిమెంట్ బోర్డు . డక్ట్ కవరింగ్, కాంపౌండ్ వాల్ క్లాడింగ్, గార్డెన్ ఫెన్సింగ్, గేట్ క్లాడింగ్, కాంపౌండ్ వాల్ పొడిగింపుకు వాడుకోవచ్చు. లైట్ వెయిట్ ఈపీఎస్ కాంక్రీటుతో ఇవి తయారవుతాయి. మా మరో ప్రొడక్టు సోలార్ రూఫ్. సాధారణ సోలార్ ప్యానెల్స్తో పోలిస్తే ఇది అదనంగా 20శాతం కరెంటును తయారు చేస్తుంది. 25 ఏళ్ల వరకు మన్నుతుంది. ఈ 25 ఏళ్లలో మీ పెట్టుబడిపై 4 రెట్ల కంటే ఎక్కువ రాబడి వస్తుంది. వాటర్ లీకింగ్, చెదలు వంటి సమస్యలు ఉండవు. ఇది ఫైర్, కరెంట్ రెసిస్టెంట్ కూడా. మా కంపెనీ తయారు చేసిన మరో ప్రత్యేక ప్రొడక్ట్ ఆటమ్ వేడర్ బైక్. ఇది చూడటానికి స్టైలిష్గా ఉండటమే కాదు నాలుగు గంటలు చార్జ్ చేస్తే 100 కిలోమీటర్లు వెళ్తుంది. ధర రూ.1.16 లక్షలు మాత్రమే. వంద కిలోమీటర్ల వేగంతో వెళ్తుంది”అని వివరించారు.