కేసీఆర్ మద్దతు అడిగితే జగన్ నిర్ణయం తీసుకుంటరు
హైదరాబాద్, వెలుగు: బీఆర్ఎస్ కు మద్దతు ఇవ్వాలని కేసీఆర్ కోరితే తమ నాయకుడు, సీఎం జగన్ నిర్ణయం తీసుకుంటారని ఏపీ ప్రభుత్వ సలహాదారు సజ్జల రామకృష్ణారెడ్డి తెలిపారు. తమకు ఏపీ అభివృద్ధి, ప్రజల సంక్షేమమే ముఖ్యమని చెప్పారు. ఎవరితోనైనా పొత్తు పెట్టుకొని, ఎలాగోలా అధికారంలోకి రావాలన్న ఆలోచన లేదన్నారు. సోమవారం ఏపీ తాడేపల్లిలో సజ్జల మీడియాతో మాట్లాడారు. జాతీయ స్థాయిలో బీఆర్‌‌‌‌ఎస్‌‌కు మద్దతు ఇవ్వాలని కేసీఆర్ అడిగితే మీ స్పందన ఎలా ఉంటుంది? అని మీడియా ప్రశ్నించింది.
ఏపీలో బీఆర్ఎస్ పోటీ చేస్తే మంచిదే
‘‘ఇవన్నీ ఊసుపోక అడిగే ప్రశ్నలు. ఆయన (కేసీఆర్) మద్దతు అడగొచ్చు. మా ఒపీనియన్ మాకు ఉంటుంది. ఆయన అడిగినప్పుడు ఏ ఆన్సర్ ఇవ్వాలనేది అందరితో మాట్లాడి మా నాయకుడు నిర్ణయం తీసుకుంటారు. మాకు ఏపీ ఇంట్రెస్టులే ముఖ్యం. ఇంకొకరి హెల్ప్ తీసుకొని ఇక్కడ ఏదో చేయాలన్న, పొత్తులు పెట్టుకొని ఎలాగోలా అధికారంలోకి రావాలన్న ఆలోచన లేదు. ఏది చేసినా మా పార్టీ ఇండిపెండెంట్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌గా చేస్తుంది’’ అని సజ్జల జవాబు ఇచ్చారు. ఏపీలో కూడా బీఆర్ఎస్ పోటీ చేస్తుందని ఆ పార్టీ నాయకులు అంటున్నారు కదా? అని ప్రశ్నించగా.. మంచిదేగా అని సమాధానం ఇచ్చారు. ‘‘కక్ష సాధింపు రాజకీయాలు మా లక్ష్యం కాదు.. అభివృద్ధే మా లక్ష్యం’’ అంటూ బీఆర్ఎస్ వేసిన పోస్టర్లపై ప్రశ్నించగా... ఆ పోస్టర్లు ఎవరిని ఉద్దేశించి వేశారో వాళ్లనే అడగాలని అన్నారు. తమిళనాడు, కర్నాటక రాష్ట్రాల్లో పోటీ చేసే ఆలోచన వైసీపీకి లేదని స్పష్టం చేశారు.
