తిండిపైనే ఆరోగ్యం ఆధారపడి ఉంటుంది. కేవలం శారీరక ఆరోగ్యాన్నే కాదు మానసిక ఆరోగ్యాన్ని కూడా ఫుడ్ హ్యాబిట్సే డిసైడ్ చేస్తాయి. సంతోషం, బాధ, కోపం, డిప్రెషన్.. ఇలా ఎమోషన్ ఏదైనా సరే తినే ఫుడ్ తోనే లింక్ అయి ఉంటుంది
బ్రెయిన్ కి, డైజెషన్ ట్రాక్ కి చాలా దగ్గరి సంబంధం ఉంటుంది. డైజెషన్ ట్రాక్ లో కొన్ని బిలియన్ల సూక్ష్మ జీవులు ఉంటాయి. అవి పేగుల నుంచి బ్రెయిన్, మెసేజ్ పంపించే న్యూరోట్రాన్స్ మీటర్ ను తయారుచేస్తాయి. కడుపునిండా తిన్నప్పుడు ఆ న్యూరో ట్రాన్స్ మీటర్స్ పర్ఫెక్ట్ షేప్ లో ఉండి.. బ్రెయిన్ కు మెసేజ్ పంపుతాయి. దానివల్ల హెల్దీ బ్యాక్టీరియా రిలీజ్ అవుతుంది. అది డోపమైన్, సెరటోనిన్ అనే హ్యాపీ హార్మోన్లను రిలీజ్ చేస్తుంది. కానీ, నూడిల్స్, బర్గర్ లాంటి ఫాస్ట్ ఫుడ్స్ తింటే న్యూరోట్రాన్స్ మీటర్స్ షేప్ లో తేడా వస్తుంది. బ్రెయిన్ కి సరిగా మెసేజ్ అందదు. దానివల్ల మూడ్ స్వింగ్స్, ఏదో ఒకటి తినాలనిపించే ఆలోచనలు చుట్టుముడతాయి. కాస్త డిప్రెషన్లో ఉన్నప్పుడు అవి మరింత పెరుగుతాయి. అందుకే డ్రిప్రెషన్లో ఉన్నప్పుడు తినాల్సిన, తినకూడని ఫుడ్ ఏంటో ఫేమస్ న్యూట్రిషనిస్ట్ లు చెప్తున్నారు.
ఏమేం తినాలి?
కాస్త ముభావంగా అనిపిస్తుంటే వాల్ నట్స్ తినాలి. వీటిల్లోని ఒమెగా -3 ఫ్యాటీ యాసిడ్స్ బ్రెయిన్ ఫంక్షనింగ్ ని సపోర్ట్ చేస్తాయి. డ్రిపెషన్ సింప్టమ్స్ ని తగ్గిస్తాయి. అలాగే ఒమెగా -3 ఫ్యాటీ యాసిడ్స్ ఎక్కువగా ఉండే అవిసె గింజలు. పాదరసం లేని సాల్మన్ ఫిష్, చియా సీడ్స్ తినాలి. వీటిల్లో ఉండే ఫోలేట్, మెలటోనిన్, విటమిన్-ఇ. యాంటీ ఆక్సిడెంట్స్ న్యూరోప్రొటక్టివ్ కాంపౌండ్స్ గా పనిచేసి డిప్రెషన్ ని కంట్రోల్ చేస్తాయి.
డిప్రెషన్లో ఉన్నప్పుడు బీన్స్ ని డైట్ లో పక్కాగా చేర్చాలి. వీటిల్లోని జింక్,
కాపర్, మాంగనీస్, సెలీనియం. విటమిన్-బి1, బి6, ఇ.కె లు షుగర్ లెవల్స్ ని కంట్రోల్ చేసి చే మూడ్ స్వింగ్స్ కి బ్రేక్ వేస్తాయి.
క్యాబేజీ పచ్చడి, పెరుగు, జున్నులాంటి ప్రొ-బయోటిక్స్ ఎక్కువగా ఉండే ఫుడ్ తినడం వల్ల డిప్రెషన్ నుంచి బయటపడొచ్చు. అలాగే యాంటీ ఆక్సిడెంట్స్, ఫ్లేవనాయిడ్స్, మెగ్నీషియం ఎక్కువగా ఉండే డార్క్ చాక్లెట్స్ తిన్నా మూడ్ స్వింగ్స్ దరిచేరవు. ఇవి మెనోపాజ్ మూడ్ స్వింగ్స్, ప్రి మెనుస్ట్రువల్ సిండ్రోమ్ ని కూడా కంట్రోల్ చేస్తాయి.
►ALSO READ | Weekend Special : ఈ వారం ముత్యాల బిర్యానీ టేస్ట్ చేద్దామా.. దీని చరిత్ర ఏంటో తెలుసుకుందామా..!
అన్ని రకాల కూరగాయలు, ధాన్యాల్లో హెల్దీ కార్బోహైడ్రేట్స్ ఉంటాయి. ఇవి మైండ్ని కామ్ చేస్తాయి. వీటిల్లోని సెరటోనిన్ అనే మూడ్ బూస్టర్ డిప్రెషన్ నుంచి బయటపడేస్తుంది. పసుపులో కొంచెం బ్లాక్ పెప్పర్ ఒక టేబుల్ స్పూన్ కొబ్బరి నూనె లేదా నెయ్యి కలుపుకుని తాగినా బ్రెయిన్ డిజార్డర్స్ నుంచి బయటపడొచ్చు..
ఇవి తినొద్దు
డిప్రెషన్ లో ఉన్నప్పుడు చక్కెర శాతం ఎక్కువగా ఉండే ఫుడ్ జోలికి అస్సలు వెళ్లకూడదు. మరీ ముఖ్యంగా వైట్ బ్రెడ్స్ కి దూరంగా ఉండాలి. ఇవి వెంటనే బ్లడ్ లో షుగర్ లెవల్స్ ను పెంచుతాయి. అలాగే కెఫిన్ ఎక్కువగా ఉండే కాఫీలు తాగకూడదు. ఇవి నిద్రని దూరం చేసి మూడ్ స్వింగ్స్ ని మరింత పెంచుతాయి. డిప్రెషన్ లో ఉన్నప్పుడు బ్యాలెన్స్ డైట్ ఫాలో అవ్వాలి
